Salud, Estilo, Moda y Beyeza:
Awo e industria ta den pleno crecemento cu variedad di producto!
Den un serie di articulo semanal, Salud Moda y Estilo lo presenta un variedad di producto natural, traha pa Aruba Aloe Balm Factory, cu pa su calidad y efectividad ta escalando den fama tanto local como internacionalmente.
Ta interesante pa bay bek un momento na un tiki historia di e cuminzamento di e industria aki, cu ta un orguyo pa nos pueblo Arubano.
Historia ta bisa cu Hulandes nan a trece Aloe Vera for di Africa pa Aruba na aña 1840. Durante e epoca aki, nan tabata mas interesa den e Aloin, cual ta e likido geel cu ta sali di e Aloe. Aruba Aloe mes a cuminsa na aña 1890, pues nan tin mas cu 129 aña di existencia di cual e plantacion di Aloe ta visible ainda como muestra di esaki.
Aruba Aloe a cuminsa traha producto di Aloe na aña 1968 y e promer producto cu Aruba Aloe a produci e tempo ey tabata e “Burn Balm” cual ta conoci awor como Alhydran. Despues di esaki a amplia e lineanan y awendia nos tin diferente linea dentro di Aruba Aloe cual ta varia entre protector solar pa shampoo y conditioner pa crema pa curpa y facial. Aruba Aloe a crece hopi como compania den nos comunidad local, pero tambe internacionalmente. Nos ta actualmente obtenibel na mas di 50 pais rond di mundo.
Nos ta mira cu e empresa a crece hopi, y cu awendia e ta brinda un servicio grandi na comunidad, y tambe ta parti di Aruba su economia no solamente door di benta local sino door di exportacion. Productonan cu ta carga asina halto e bandera di rond mundo y pa DIARIO, atravez di “Salud, Estilo, Moda y Beyeza”.
Un di e productonan cu a tuma hopi fama, local y internacionalmente ta ALHYDRAN CARE y tin hopi testimonio , no solamente di hende local, pero hopi turista cu yega Aruba ta bishita e tiendanan di Aruba Aloe Balm, sea den ciudad of den e hotelnan pa busca, entre otronan, e producto aki.
Mercedes Monge, ta un señora cu ta gusta uza e productonan facial di Aruba Balm, y esun cu el a conoce prome ta precisamente Alhydran Care, cu awo e mes ta usando acerca.
E ta conta nos: “Mi a cumpra Alhydran Care, pa prome biaha, tempo cu mi nieto mayor tabata un baby y a saca algun manchita na su cuero di braza, y remedi cu e specialista a dune no a yuda. Nos a wordo aconseha pa uza e producto aki y nos a bay cumpre, y nos a keda hopi contento mirando cu den un par di siman e mancha a cuminza bay, te cu a kita completo.
Despues ta mi nieta cu tin 10 aña a cuminza haya mancha ora el a cuminza bay les di landamento. Manchitanan blanco y otro un tiki scur, di solo. Mi a bay busca e crema aki pe, y como cu remedi di docter tampoco a yuda tiki incredulo el a bisa mi: ‘wela mi sa cu e no ta bay yuda. Nada ta yuda mi’. Su mama a pone uza e crema tur dia y di esaki ta haci mas of menos un tres luna. Su manchitanan a bay, y awor e mes a laga mi sa cu e crema ta bay caba pa mi corda cumpre pe”.
Mercedes mes in e tendencia di haya mancha solar. E ta cana hopi den solo door di su trabao den prensa. El a cumpra diferente producto cu ta wordo propaganda como hopi bon, pero no a mira resultado. Remedi di dermatologo tampoco.
“Mi a trata e manchanan cu laser y si a yuda pa algun luna, pero na September awo e manchanan a bolbe aparece hopi agresivo. Mi a dicidi pa purba cu Alhydran Care, y mi ta satisfecho cu e resultado. Den un luna cu mi tin ta usando e crema e tono di e manchanan a minimiza hopi, y lo mi sigui use pa logra un mihor resultado y preveni cu nan bolbe acentua. Conciente cu manchanan di solo y na tercer edad no ta disparce por completo pero por wordo reduci cu un bon tratamento y Alhydran ta un bon producto”.
Tin mas producto di cuido facial di Aruba Aloe Balm Factory di cualnan no lo papia den e siguiente edicionnan.
Ta bon pa menciona tambe cu den cada edicion na unda nos lo papia di un otro producto, nos lo duna un special di e siman pa nos localnan. Nan lo por busca esaki den cualkier tienda te cu e siman despues di diamars.
