Home General Nicolas a redobla logro di Mike den creacion debe nacional

Nicolas a redobla logro di Mike den creacion debe nacional

436
0
SHARE
- Advertisement -

ORANJESTAD(AAN)– Informacionnan cu a alcansa DIARIO ayera a mustra cu Nicolas Maduro a logra redobla e logro di Mike Eman den creacion di debe nacional.

Informacionnan monetario y financiero internacional a indica ayera cu Nicolas Maduro cu ainda tin financia y economia den su man, a logra cu debe nacional di su pais a bira dos bes mas tanto cu e loke e pais ta produci.

Ora compara e cifranan aki cu e situacion na Aruba, por nota cu Nicolas Maduro a redobla e cifra di Mike Eman cu a logra pone e debe nacional practicamente na haltura di loke e pais ta produci.

Interesante ta, cu Mike Eman a tuma un tempo mas largo pa e pone e debe nacional di Aruba na casi mes nivel cu e produccion local di Aruba. Na fin di su gobernacion, Mike Eman a logra un debe nacional di alrededor 90 porciento di loke Aruba ta produci localmente.

Nicolas Maduro a gana Mike Eman den redobla e debe nacional den un aña di tempo. Na 2018 e debe nacional di Venezuela tabata 102 porciento cu tabata algo mas cu e debe nacional di Aruba.

E noticia di e logro di Nicolas Maduro contra interes di Aruba a capta atencion di mundo cu ta sumamente preocupa cu loke ta pasa na Venezuela cu a wordo destrui a base di e maneho di Nicolas Maduro riba tereno di financia di e pais.

Te awor e logro di Mike Eman pa aumenta e debe nacional di Aruba no tin e atencion mundial igual na e logro di Nicolas Maduro pa aumenta e debe di Venezuela. Te awor ta Reino Hulandes ta mas preocupa pa e resultadonan cu e debe nacional cu Mike Eman a laga atras, ta nifica pa Aruba.

 

 

- Advertisement -

DUNA COMENTARIO

Please enter your comment!
Please enter your name here