Home Bites Optica Oduber&Kan a bira The Specialists

Optica Oduber&Kan a bira The Specialists

234
0
SHARE
- Advertisement -

ORANJESTAD (AAN):  Na 1955, Optica Oduber&Kan a cuminza brinda servicio como e prome optica na Aruba. El a wordo funda door di e prome optometrista di Aruba Sr. Manichi Oduber y Sal Kan, kendenan despues a wordo acompaña pa Hans Jansen.

Nan tabata ofrece na e clientela montura y glasnan di calidad halto, banda di un tremendo servicio.

Na 1996, optometrista Bert de Vries a bira parti di e team y den dos aña tuma e compania over hunto cu su casa RoseMarie de Vries. Na 2014, e optica a introduci e departamento di oido, ofreciendo e comunidad e tecnologia mas nobo den aparato di oido.

Awor despues di 64 aña, Oduber&Kan a cambia su nomber pa The Specialist – Vision & Hearing-.

De Vries a splica cu e cambio a bin. Nan no e unico optica na Aruba mas y awendia tin mas cu 20 optica na e isla. Oduber&Kan a keda na un nivel asina halto cu nan kier diferencia di e otronan.

Asina e planea strategicamente un cambio di nomber pasobra nan specialidad ta number un. Ta drentando un decada nobo y kier drenta tambe cu un vision nobo, Bert de Vries a duna di conoce.

El a laga sa cu su yiu Marcus de Vries poco poco ta tumando e compania over hunto cu su ruman Iris de Vries. Nan ta cuminza otro aña y ta join e team.

Marcus de Vries a agrega cu el a studia 11 aña na Hulanda y el a bin bek cu tur e experiencia y cu tur loke el a siña na Hulanda trahando den diferente compania.

El a indica cu pa otro aña por spera hopi cos nobo cu no tin na Aruba y sigui hisa e nivel di e optica.

De Vries a finaliza bisando cu e chekeo di oido nan ta haciendo pa tres aña caba y aworaki cu The Specialists nan ta bay sigui cune. E servicio aki ta algo completamente gratis. Mester di afspraak pa e prome biaha.

Si algo sali for di e test ta duna e cliente instruccion ariba kico ta e siguiente stapnan, a bisa.

Pa celebra e cambio di nomber, a tene un ceremonia special hunto cu famia y invitadonan special.

- Advertisement -

DUNA COMENTARIO

Please enter your comment!
Please enter your name here