Home General Pakico Parlamentarionan di AVP no a investiga Wever-Croes? 

Pakico Parlamentarionan di AVP no a investiga Wever-Croes? 

496
0
SHARE
- Advertisement -

DIARIO ta tene su mes na cuadro di leynan di Aruba

  • Pakico un fundacion cu no ta existi mester a entrega keho pisa?
  • Autoridad financiero di Aruba entrega na comision di partido

Na inicio di un siman nobo, algo sumamente serio a tuma luga. Atrobe ta bisto cu un scandal ta wordo arma dor di AVP pa kita atencion di pueblo for di e forma cu ta desvia di normanan pa atende cu asuntonan di Aruba.

Pa basta dia, partido AVP cu den gobernacion nunca e duna cuenta y rason di personanan cu e ta pone den su comisionnan y ta uza como abogado, ta lansa critica contra Ministro Presidente Wever-Croes cu a laga oficina di su tata, abogado Hendrik Croes, atende cu casonan di companianan di estado di Aruba.

Na hopi ocasion, a trata di tira acusacionnan den aire. Nunca e fraccion di AVP den Parlamento di Aruba, a haci uzo di su poder pa yega na un investigacion di loke ta pasa y atende cualkier accion robes, cu e armanan cu nan tin.

Un miembro di Parlamento por exigi tur informacion cu e kier di instancianan di gobierno. e por haci uzo di asistencia di e autoridad mas halto riba tereno financiero di Aruba, cu ta Algemene Rekenkamer Aruba, pa yega na berdadnan cu ta exigi accion na nomber di pueblo.

Dialuna medionan di comunicacion a ricibi un informacion di AVP cu a entrega un keho na Ministerio Publico contra Ministro Presidente cu segun informacionnan cu AVP  a presenta, lo ta haci su mes culpabel di actonan cu segun “AVP ta castigabel”.

E pruebanan lo ta consisti di 18 documento den cual por indica cu tata di e Ministro Presidente, a traha pa gobierno y a wordo paga.

Na bos halto AVP a lansa acusacionnan den publico y mes anochi a reuni cu su conseho di partido den un reunion “extra ordinario”.

Den edicion di ayera DIARIO tambe a publica cu e keho a wordo entrega y a keda en espera di mas informacion di e fraccion di AVP den Parlamento.

Nos a keda en espera di informacion pakico AVP no a cana e caminda di nos cuadro legal nacional pa medio di Parlamento pa a haci un investigacion profundo y hasta stop loke ta tuma luga sin cu e lo por perhudica pueblo.

Conocedo di leynan di Aruba, di nos funcionamento estatal, nos ta puntra pakico no ta fraccion di AVP,  pero un fundacion di AVP cu no ta existi ainda, a entrega e keho na Ministerio Publico.

Pakico si AVP tabata sa kico ta pasa for di 2018, e no a actua y pakico awor su informantenan ta bini cu informacion?

Pakico AVP no a atende e asunto cu Algemene Rekenkamer Aruba, cu ta e autoridad maximo riba tereno financiero y ta garantisa bon uzo di placa di Aruba?

DIARIO no por acepta mas show di AVP, cu no ta impone nos cu loke gobierno a paga.

Loke nos kier sa ta, si e sumanan cu a paga na e abogado tabata riba presupuesto manera ley ta exigi. Nos kier sa si ta na forma ilegal a paga cualkier abogado y si e forma di pago a desvia for di normanan.

DIARIO ta sigui haci su trabou pero ta lamenta cu AVP ta deshaci di un caso bon prepara pa laga un show amateur den nos sistema democratico prevalece. Otro palabra nos no tin pa un partido politico, cu ta uza un fundacion cu no ta existi ainda pa entrega keho na Ministerio Publico sin tuma medidanan cu miembronan di Parlamento por tuma!  

- Advertisement -

DUNA COMENTARIO

Please enter your comment!
Please enter your name here