Home Deporte Panamerican Championship y Aruba Beach Tennis Open 2019 ta sigui awe

Panamerican Championship y Aruba Beach Tennis Open 2019 ta sigui awe

26
0
SHARE
- Advertisement -

ORANJESTAD (AAN) – Diaranson atardi, ITF conhuntamente cu Beach Tennis Aruba a hasi e apertura oficial di e ITF Panamerican Championship como tambe e torneo cu tur hende ta warda riba dje tur aña, esta ITF Aruba Beach Tennis Open. Cu presencia di 10 pais, un total di mas cu 75 hungador, tabata presente.

E anochi a habri cu un rueda di prensa, caminda representante di Beach Tennis Aruba, Sr. Sjoerd de Vries, a jama bon bini na tur presente, como tambe na tur participante, kende nan ta super bon prepara pa duna bataya.

Tambe a hiba palabra, e refree principal pa ITF, Massimo Morelli. E representante di ATA, cu tur aña no ta duda den contribui cu e evento aki, Sra. Tita Iglesias, a duna un bon bini y duna su palabra di éxito a cada un deportista presente.

Tita a segura cu tur hende por a compronde kico e la bisa, ya cu e la duna su discurso den spaño y ingles. Na mesa tambe tabata tin representante di Tennis Bond Aruba, Sr. Ivan Ng. Un persona hopi conocí den e deporte di tennis.

Pa termina e rueda di prensa a hiba palabra 2 hungador, cual ya a bira un custumber cu cada aña BTA ta kies un hungador femenino y uno masculino, cu den e ultimo temponan aki ta den “spotlight” positivo den e deporte di Beach Tennis.

Femenino a toca turno na Raffaella Miller, di Brazil, kende ta actual number 1 di mundo y pa e parti masculino, y Aksel Sarmardzic a hiba palabra. Aksel den e ultimo lunanan a bin ta eleva su nivel di wega, cu a hibe na gana varios torneo nan grandi den exterior. Aksel actualmente ta number 12 di mundo.

Despues a sigui pa desfile oficial, cu presencia di Venezuela, Brazil, Chile, Argentina, Ecuador, Uruguay, Corsow, Puerto Rico, USA, y Aruba. Un atmosfera increibel, cu presencia di bastante siguidor di e deporte di Beach Tennis, cu unicamente a segura, cu e aña aki un biaha mas, nan por spera hopi ambiente.

E prome weganan a cuminsa ayera mainta pa 9’ or y atardi 5or te anochi. Awe Diabierna mainta 9’or e weganan lo continua y lo sigui bek  atardi pa 4or na Bushiri Beach Arena.

E semifinal nan lo tuma lugar diasabra pa 10’or y pa 4’or lo cuminsa e finalnan.

Ta bon pa pone enfasis cu e weganan awe mainta  ta na Tropicana Beach Club y atardi esaki nan ta tuma lugar na Bushiri Beach Arena.

 

 

- Advertisement -

DUNA COMENTARIO

Please enter your comment!
Please enter your name here