Home Parlamento Parlamentario Jennifer Arends- Reyes

Parlamentario Jennifer Arends- Reyes

78
0
SHARE
- Advertisement -

Lo ta un risico grandi pa Turismo pa gobierno exigi 35 miyon di ATA pa 2020

Oranjestad: segun Sra Arends-Reyes tin algun dia caba cu tin informacionnan cu ta yegando superficie di e intencion di gobierno pa exigi 35 miyon di ATA pa 2020.

Aña pasa na fin di October ya caba Parlamento a ricibi e Corporate Plan & Budget di 2019, e aña aki ainda e plan corporativk y presupuesto pa 2020 no a wordo presenta ainda.

Den pasado Parlamento tabatin un relacion hopi mas estrecho y bista ariba locual cu ATA como autoridad oficial encarga cu destinacion y maneho pa Turismo di Aruba localmente y internacionalmente ta hasiendo y su retonan.

Aruba Tourism Authority tin un presupuesto cu ta a crece desde 2011 pero cu a ser demostra cu e inversionnan por a ser mira back den un crecemento substancial como un pilar economico solido pa Aruba cu ta contribuyendo cu casi 4 biyon na nos economia.

ATA semper ta un partner crucial den e exito di Turismo pa nos isla y su desaroyo sostenibel a largo plazo. E impacto di un reduccion considerabel di un tercera parti di ATA su presupuesto lo hiba Aruba su turismo back den tempo cu tur e consecuencianan di esaki.

Aruba y su industria ta conta cu nos ta un destinacion competitivo y favorito ariba nivel internacional. Na momento cu nos no por competi mas como destinacion den 2020 den e mundo di mercadeo agresivo cu tin eyfor sigur nos lo sinti e impacto, di hotelnan pa restaurantnan y transporte.

2020 ta un aña importante pa Aruba ta fuerte den mercadeo pa motibo cu hopi competidor den Caribe lo tin mas camber y infrastructura renoba y disponibel despues cu nan tabata tin un limitacion pa motibo di desasternan natural.

Cu e presupuesto di ATA mester percura pa maneha nan costonan den margen cu ta keda aceptabel ta berdad tanten cu nan ta yega nan metanan y ta book bon resultado y tambe percura pa tin un fondo di emergencia saludabel.

Sra Arends-Reyes ta keda vigila e desaroyonan di cerca encuanto e noticia cu gobierno ta exigi 35 miyon di ATA sea ta di presupuesto cu lo ta un locura of pa caba cu e fondo di emergencia den un solo biaha y sin un hustificacion di emergencia.

Ta spera cu gobierno no haci e eror grave aki pa pone Aruba su turismo den un risico grandi asina.

- Advertisement -

DUNA COMENTARIO

Please enter your comment!
Please enter your name here