Home General Parlamento mester revisa puzzel financiero Bo Aruba

Parlamento mester revisa puzzel financiero Bo Aruba

39
0
SHARE
- Advertisement -

Mester discuti continuacion Watty Vos Boulevard y Green Corridor

*No por pa sigui planificacion cu autoridad financiero a condena

ORANJESTAD(AAN)–E rapport di e autoridad financiero mas halto di Aruba a papia di un forma desastroso con a maneha e suma di 1.6 Biyon Florin, di cual gobierno Mike Eman a dispone Un Biyon, cu ta Mil Miyon.

E rapport ta bati alarma pa e forma con a ehecuta e proyecto total di Bo Aruba. A condena e hecho cu gobierno Mike Eman no tabata tin un bon administracion di e suma enorme cu tampoco tabata permiti control.

E forma cu placa a wordo gasta, ta bay contra tur ley y ta un puzzel segun e rapport di e autoridad financiero mas halto di Aruba, Algemene Rekenkamer Aruba cu a mustra con Aruba no por controla e placa cu ta wordo gasta den proyectonan manera Green Corridor y Watty Vos Boulevard.

Dos suceso a habri wowo di Aruba pa loke ta trata e proyectonan di Bo Aruba, cu tabata e proyecto cu a wordo uza dor di Gabinete Mike Eman pa salto politico mortal pa e situacion financiero di Aruba.

Ta trata di e accidente na brug di Balashi caminda autonan a pasa dor di vangrail y awor apertura di e Watty Vos Boulevard.

E realidad di e imagennan bunita cu expertonan stranhero a presenta pueblo, awor ta alcansa pueblo cu ta puntra su mes mas y mas pakico no a dicidi pa un otro forma pa atende cu e problema di trafico na Aruba.

Informantenan experto riba tereno legal na Aruba ta mustra cu mientras e rapport ta den man di autoridad a base di e acusacionnan serio di Algemene Rekenkamer Aruba riba e forma cu a gasta placa di pueblo, Parlamento di Aruba mester bolbe reuni pa mira si ta mantene tur e gastonan cu tin den e plannan di gobierno Mike Eman.
Ta sumanan enorme a wordo gasta pa un producto luhoso cu ta hinca Aruba den debe serio y no ta duna ningun garantia cu e tabata indispensabel.

Awor cu Algemene Rekenkamer Aruba a expresa su mes, tin hopi duda cerca expertonan riba tereno constitucional si ta permiti pa sigui haci gastonan a base di loke gobierno Mike Eman a planea of si mester revisa e rapport, aunke e ta den man di husticia pa posibel persecucion pa e forma cu a atende cu placa di Aruba.

“Mester baha tur gasto cu por y mester duna garantia cu e situacion sumamente serio cu Algemene Rekenkamer Aruba a describi no ta existi mas,” informantenan a bisa.

E proyectonan a wordo autorisa dor di e mayoria absoluto di AVP cu manera e autoridad financiero mas halto di Aruba a indica, no a haci su trabou relaciona cu e plan di gobierno Mike Eman. Awor Parlamento mester duna garantia cu e ta respeta e conclusionnan di e autoridad financiero mas halto di Aruba.

- Advertisement -

DUNA COMENTARIO

Please enter your comment!
Please enter your name here