ORANJESTAD (AAN): Pastor Toti Fuentebella di Parokia Santa Filomena di Paradera ta felicita e parokianonan y habitantenan di Paradera cu ayera diadomingo nan a celebra e parti cultural y social den cuadro di e celebracion di 70 aña di Parokia Santa Filomena.
Pastor Toti a expresa su gratitud na tur esnan cu ta envolvi den e celebracion aki, specialmente e gruponan cultural – etnico for di diferente pais cu ta biba aki na Aruba cu a acudi pa celebra hunto.
Diadomingo tabata tin basta actividad cultural -social y tambe pa mucha.
Pastor Totti a gradici Departamento di Cultura y e comision organizador di e celebracion 70 aña como tambe e habitantenan di Paradera y tur esnan envolvi.
Sra. Dirks, miembro di e comision organizador a splica cu e tabata encarga cu e hubileo pa parokiano. A inicia cu un programa relaciona cu e historia di Santa Filomena. Atardi acera cu un parti bailabel cu tipico y bandanan. Sigur un bunita celebracion.
