Home Salud Pashentnan wardando resultado di mammogram pa mas cu un siman

Pashentnan wardando resultado di mammogram pa mas cu un siman

10
0
SHARE
- Advertisement -

Accion morocoy y sistema ‘down’

ORANJESTAD (AAN) – Pa basta dia caba tin un situacion hopi fastioso cu un accion tipo morocoy cu cierto servicionan di Hospital dr. Horacio Oduber tin, cu ta perhudicando e pashentnan. Aki si e slogan di “e hende ta central” ta parce cu no ta conta!

DIARIO a bin haya informacion pa basta dia caba cu hopi docter di cas cu tin nan consulta na Oranjestad, tin cu manda nan pashentnan pa haci test te e ImSan, y den otro caso cu ta e mammogram Mammapoli ta referi e casonan na BOB, pasobra e machine na HOH ta daña.

BOB ta cumpli cu e servicio pero e docternan di cas (incluso specialistanan) no ta hayando e resultado. Tin e caso di un pashent cu a haci un ultrasonido na UCA y esaki a mustra cu e persona tin un nodulo sospechoso.

E docter di cas a manda esaki pa Mammapoli, cu un verwijsbrief pa e ciruhano, en caso cu e meter haci un biopsia. Pero Mammapoli a laga e pacient sa cu nan no ta uza e resultado di UCA y na prome lugar e tin cu haci un mammogram.

E mammogram el a hacie na BOB dia 9 di November (tres siman despues di e ultrasonido na UCA). Na BOB nan a bise pa e yama radiologia na HOH diaranzon 13.

E pashent a yama y despues di purba haya comunicacion varios biaha al fin un hende a tuma telefon y puntre su fecha di nacemento y nomber, y a bise cu nan no a haya resultado di BOB ainda. El a bolbe yama y nan a bise cu e tin cu wanta pasenshi pasobra tin hopi pashent prome cune y BOB no a manda e CDnan ainda.

Mientras tanto e pashent tin contacto cu su docter di cas cu a mustra su preocupacion, pasobra e no a haya resultado tampoco y no sa si e pashent mester sigui mas proceso of no.

Dialuna 18 di November e pacient a bolbe yama Radiologia y nan a bise cu e tin cu yama su docter di cas pasobra nan no ta duna e pashent ningun resultado.

E pashent a bolbe tuma contacto cu su docter ken tampoco a haya resultado. E señora a bay puntra na BOB personalmente, y ta asina cu for di dia 12 e resultadonan a bay pa Radiologia.

Pero pa nan ta facil tira falta riba BOB cu ta haciendo Hospital un fabor y ta cumpli cu nan servicio!

Finalmente, e docter di cas di e pashent aki a papia cu un di e ciruhanonan cu ta atende cu biopsia y demas, y a bin resulta cu e sistema di computer di HOH a cay, e ta down, y Radiologia no por wak ningun resultado tampoco.

Mientras tanto mas di un pashent ta den sosobra constante sin sa si con nan situacion ta. Hopi tristo cu esaki ta e servicio cu un hospital “cinco strea” ta brinda!

 

- Advertisement -

DUNA COMENTARIO

Please enter your comment!
Please enter your name here