Home Economia Posicion financiero di Banco Central Aruba a keda solido

Posicion financiero di Banco Central Aruba a keda solido

55
0
SHARE
OLYMPUS DIGITAL CAMERA
- Advertisement -

Segun e ‘Operational Report 2018’

ORANJESTAD (AAN):   Dialuna Banco Central di Aruba (BCA) a publica su ‘Operational Report 2018’. Den e publicacion aki BCA ta presenta un resumen di su mandato y su obhetivonan principal manera stipula den e Ordenansa di Banco Central, como tambe su marco strategico pa implementa su plan estrategico “Bela yen: Nos Plan Strategico 2016 – 2020 (Bela Yen).

Den e raport anual aki tambe ta subraya e desaroyonan mas importante den e sector monetario, e sector financiero, como tambe e sistema di pago, hunto cu e actividadnan operacional principal ehecuta door di BCA durante 2018.

Adicionalmente, e rapport ta contene un resumen financiero relaciona cu e operacion administrativo di BCA den 2018.
Algun di e desaroyonan mas importante cu a tuma lugar den 2018 ta como lo
siguiente:

– Un logro importante pa BCA ta e continuacion di ehecucion di su plan strategico “Bela Yen”, den cual BCA ta delinea su ambicionnan strategico como tambe e resultadonan planea pa e periodo te cu 2020.

– Den e cuadro di e maneho monetario, e Comision di Maneho Monetario (CMM) di BCA a reuni siete biaha durante e aña pa revisa y analisa e indicadornan monetario y economico pa asina evalua ahustacion di su instrumentonan monetario, si desaroyonan economico ta rekeri tal accion. En bista cu e indicadornan monetario y economico a keda na un nivel adecua durante aña, e CMM a dicidi di no trece cambio den e instrumento monetario primordial, esta e tasa di “reserve requirement”, na 11.0 porciento, y e “advance rate” na 1 porciento.

– E reservanan internacional di BCA a permanece riba e nivelnan apropia durante 2018, apoyando asina e regimen di tassi di cambio fiho di nos florin cu e dollar Mericano.

– Ehecucion estricto y consistente de ley- y regulacionnan di supervision durante transcurso di añanan a contribui na mantencion di un sistema financiero stabiel, cu likides adecuado, y sano na 2018. A sigui reforsa e marco regulatorio, entre otro, cu introduccion di leynan, regulacionnan y reglanan general di supervision nobo y/of revisa.

– Durante 2018 BCA a establece un departamento nobo di Sistema di Pago cu e obhetivo pa sostene BCA den e desaroyo y implementacion di politica y iniciativanan strategico den area di infrastructura di pago, y tambe preparacionnan pa e tarea di supervision di infrastructura di pago.

– E posicion financiero di BCA a keda solido. E entrada principal di BCA, cual ta e ingreso genera for di e portofolio di inversion di divisa di BCA, a subi, reflehando e desaroyonan positivo riba e mercado financiero global durante 2018.

E OPERATIONAL REPORT 2018 ta disponibel for di awe riba e website di BCA
www.cbaruba.org.

- Advertisement -

DUNA COMENTARIO

Please enter your comment!
Please enter your name here