Home Cultura Premier Wever-Croes hopi impresiona cu Siman di Buki di Mucha

Premier Wever-Croes hopi impresiona cu Siman di Buki di Mucha

16
0
SHARE
- Advertisement -

ORANJESTAD (AAN): Siman pasa na Cas di Cultura a tuma luga e apertura di Siman di Buki di Mucha. Prome Minister Evelyn Wever-Croes tabata presente na e ocacion aki na unda cu el a cera conoci cu escritornan di Aruba, Colombia y Bonaire. Siman di Buki di Mucha ta un bunita celebracion di lesamento cu nos por brinda nos muchanan.

Ban stimula nos yiunan y nos nietonan pa nan desaroya e habito di lesa buki. Lesamento ta habri un mundo di conocemento nobo pa cada mucha y nan lo experiencia aventuranan inolvidable.

Durante apertura di Siman di Buki di Mucha, Prome Minister a ricibi un buki di su ex colega Richard Dabian “E Faro di Multicolo”, “De Veelkleurige Vuurtoren”. Scol Pius X a presenta e storia den un tremendo actuacion. Segun Richard, esaki ta su dream job.

For di man di Denise de Jongh-Rekwest di Bonaire Prome Minister a ricibi su buki “Bin, bin sigui mi submarin”, un buki hopi bunita pa nos stimula nos muchanan pa lesa y conoce aventuranan grandi.

Tambe Prome Ministter a cera conoci cu sr. Pedro Vargas di Colombia, escritor di buki di mucha cu ta participa e aña aki. Ta bunita pa mira escritornan di diferente luga di mundo hunto na Aruba pa e siman importante aki.

“Mi ta encurasha tur mayor y cuidado di nos muchanan, pa cuminsa lesa cu nan di trempan y conta nan storia. Esaki ta e miho regalo cu nos por duna nos muchanan. Lesamento ta habri un mundo grandi pa nan y por ta un fuente di inspiracion y aventura pa nan”, Prome Minister Evelyn Wever-Croes a  expresa.

- Advertisement -

DUNA COMENTARIO

Please enter your comment!
Please enter your name here