Home Politica President di MEP a haya e carta di Daphne Lejuez a cay...

President di MEP a haya e carta di Daphne Lejuez a cay di sorpresa

256
0
SHARE
- Advertisement -

ORANJESTAD (AAN): Despues cu Diaranzon merdia Parlamentario Daphne Lejuez a sorprende tur hende cu su retiro for di fraccion di MEP, mas atardi Partido MEP tambe a convoca un conferencia di prensa urgente.

Hendrik Tevreden como president di MEP, a subraya e palabranan cu politica personal no por prevalece riba politica y bienestar general di un pais.

El a splica con ultimo tempo nan tabata cu Daphne Lejuez na mesa di combersacion y intercambiando di pensamento riba e ley di Serlimar, pero diripiente riba Diaranson e carta a cay pa sorpresa.

Tevreden a keda sorprendi, pasobra ora un sirbidor di pueblo tin su dudanan, den politica semper tin di trata pa yega na un solucion y evita di yega na interupcion.

Presidente di MEP a haya raro e parti final di e carta di Daphne, unda e ta mustra cu e mes a tuma retiro y a bisa danki pa oportunidad di forma parti di MEP.  Den su carta e ta bisa ta stop, pero lo sigui sostene gobierno pasobra e ta haciendo bon trabao.  Esaki ta algo cu no por compronde te ainda, y con e por splica su mes cu e tin dos pensamento na mes momento.

MEP tabata na mesa cu Daphne Lejuez, ta intercambiando, ta transparente bezig, y a sostene den su pensamento.  Riba bienestar general, MEP sa cu e puntonan ta importante pa esnan bibando cerca di Parkietenbos.

Tevreden a bisa cu como president di Partido, esaki no ta aceptable.  El a mustra con den fraccion, semper nan a dialoga cu otro, sin husgamento, sin menaza, y sin pone otro den skina.  E ta haya cu e discusion aki mester a culmina tambe na mesa.

Segun Tevreden, e ta contra cu e punto di Daphne, cu e Partido no a scrutina y controla suficientemente e ley aki.

Esaki ta sorprendente pa Tevreden, siendo cu MEP a sinta cu tur stakeholders y a mustra cu tin cambio pa haci den e ley.  Ministro mes den prome tanda a duna dos nota di cambio.  Parlamento di MEP tin amienda prepara cu cinco cambio aden.  Pues no por bisa cu e ley no a wordo scrutina ni controla.  E ta pone integridad di MEP den wega, siedno cu ta tratando algo serio.

“Esaki ta un bofta den cara di nos sostenedornan,” ta loke Tevreden a bisa.

El a finaliza bisando e.o. cu Daphne Lejuez mes habri porta pa hende haya sa ki tipo di persona y ki tipo di parlamentario e ta realmente.

- Advertisement -

DUNA COMENTARIO

Please enter your comment!
Please enter your name here