Home Parlamento Presupuesto 2020 mester a wordo entrega caba

Presupuesto 2020 mester a wordo entrega caba

97
0
SHARE
- Advertisement -

Presidente di Staten Ady Thijsen:

*Parlamento cu hopi reunion ainda pa trata

ORANJESTAD (AAN):  Presidente di Parlamento, Ady Thijsen a indica den entrevista cu DIARIO cu presupuesto 2020 mester a wordo entrega caba. El a compronde cu ainda ta bezig cune.

Esaki ta un responsabilidad di gobierno y parlamento ta bisa cu gobierno tin cu tene nan mes na cuenta cu e Constitucion y no mag di keda warda, a señala.

Segun Thijsen, e circumstancianan ta keda hunga un rol grandi den esaki. Pero el a puntra gobierno dicon e presupuesto no a yega Parlamento ainda. El a haya sa cu ta trahando duro ariba dje y cu gobierno ta bay informa parlamento e momento cu ta bay entreg’e.

Ady Thijsen a indica cu tin un par di leynan importante cu ta bay bin teniendo cuenta cu e comisionnan cu ta trahando y cu cierto otro obligacionnan cu nan tin.

Tin e ley di Landsverordening Veiligheid Dienst Aruba cual ta hopi importante pa loke ta trata seguridad nacional. Tin cu bay haci un cambio den dje.

Ta bay yama Minister di Salubridad Publico pa responsabiliza pa loke ta trata Hospital. A  scucha SOGA caba, a scucha Hospital caba, etc y Parlamento kier scucha e minister tambe.

Tambe mester bay atende cu e leynan cu ta regarda FTF. Esaki tambe ta bay ta ariba e lista, a indica.

Tin e ley di LAft. E ley di Serlimar cu a keda den e di dos ronde. Tin un reunion publico cu a wordo pidi a base di loke ta e preocupacion cu e maestronan di scol tin.

Banda di esey tin otro leynan. Ta den November caba, ta bay bin recess y ta bay hopi druk cu e reunionnan . Toch e presidente di Parlamento ta kere cu no mester forza nada. Tin un recess y esaki mester wordo respeta.

Den e caso di Gobierno, Gobierno sa cu nan mester a entrega e presupuesto caba. Parlamento ta bay cu recess dia 20 di December y nan mester sa cu nan mester entreg’e y mester atende, a subraya. Y si no ta asina e ora e presupuesto lo mester keda pa otro aña.

- Advertisement -

DUNA COMENTARIO

Please enter your comment!
Please enter your name here