Prison di KIA mester material pa proteha su personal

    93
    0
    SHARE
    - Advertisement -

    ORANJESTAD (AAN): Porfin Prison di KIA na Aruba, ta dispone di aparato sofistica di scanning, pa evita obhetonan prohibi drenta den e cuater murayanan.

    Un sistema nobo, moderno, y hopi sensitivo a wordo instala na entrada di Prison di KIA.  Pues awor KIA no mester depende di equiponan di X-Ray segundo mano mas.

    E ta algo di aplaudi, toch sinembargo por a compronde cu e situacion pa basta aña largo ta sigui, esta cu e personal keto bay ta traha bao tension, y esey ta causante di stress cerca e personal.  Loke ta empeora e situacion mas ainda, ta cu KIA ta rand rand di preso.  Encorte esaki ta nifica cu e  personal di KIA mester ta mas atento.

    A ser splica na DIARIO, cu cuidadornan di preso ta haya cu nan mes merece mas material sofistica pa nan hiba control debido den e instituto aki na Santo di Patia.

    Nan a mustra con den exterior, cuidadornan di preso tin “Body-Camera” ta graba constante, pa proteccion legal di e trahador mes!  Esaki ta algo normal caba na diferente Prison rond mundo.  Bodycam aki ta worde uza muy en particular pa proteha e cuidador di preso pa e tin tur movecion graba.

    Den e trabao aki, e cuidador di preso tin tene cuenta cu tur aspecto y su movimento, y fuera keda alerto durante e ta riba trabao.

    No lubida cu tras di e bara hero, tin presonan masha peligroso ta sinta nan castigo.

    Ultimo lunanan a bin nota un fenomeno, unda tin varios traficante pisa di droga cu ta encarcela na KIA pa cual tambe a aumenta e aspecto di seguridad y personal cu tin di ta mas alerto.

    Algun aña atras, cuidadornan di preso na Aruba a traha bao basta tension, principalmente riba e posible tip di un menaza cu tabatin cu lo por spera grupo di exterior cu ta yega e isla pa libera un preso pisa.

    Algun dia pasa personal di Hospital na Aruba tambe a worde  alerta debi cu tin preso pisa interna, y segun protocol a tuma cierto medidanan extra relaciona cu seguridad.

    Rond mundo, na mayoria prison tin espacio special y cu seguridad pa interna preso eyden mes, pues no mester traslada nan pa Hospital. Cu camara di seguridad e preso  ta worde vigila 24 ora pa dia. Esaki tambe ta e motibo cu posiblemente riba corto plazo lo por ta asina leu pa seguridad e cuidador di preso lo por bay dispone di Bodycam pa nan seguridad durante nan oranan di trabao. Aki ta trata di seguridad di e cuidador di preso den pasado tabata papia di “Gevaren Premie”.

     

    - Advertisement -

    DUNA COMENTARIO

    Please enter your comment!
    Please enter your name here