Proyecto politico Benny y Mike sin plan infrastructural

    422
    0
    SHARE
    - Advertisement -

    Benny Sevinger a ignora advertencia oficial na 2017

    *Instancia financiero mas halto Aruba a condena gastonan

    *No a rondia alternativa pa proyectonan cu awe ta paga 

    ORANJESTAD (AAN) — DIARIO, cu ta den contacto directo cu pueblo di Aruba cu ta su causa di existencia, ayera a wordo poni na haltura cu informacionnan clave di DIARIO ta wordo troci den pueblo.

    Di e forma aki miembronan di gobierno Mike Eman kier crea e impresion cu ta na interes di pueblo nan a gasta un Biyon na proyectonan sumamente costoso cu a wordo realisa sin ningun planificacion, sin bon administracion y sin ningun responsabilidad.

    E ehecucion di e proyectonan Green Corridor y Watty Vos Boulevard a sosode contra tur regla di e pais. E informacion aki no ta algo cu DIARIO a inventa, pero e motibo cu e instancia financiero mas halto di Aruba, Algemene Rekenkamer Aruba, a dicidi di haci un investigacion cu a resulta den un rapport.

    E acusacion aki ta uno sumamente grave y Husticia, Openbaar Ministerie, lo mester dicidi si e proyectonan cu ta wordo uza pa haci propaganda pa gobierno anterior, lo bira un caso penal contra exponentenan di gobierno Eman.

    Algemene Rekenkamer Aruba, a investiga gobernantenan cu ta directamente responsabel pa loke a pasa y e rapport cu a wordo entrega na Aruba, ta papia directamente di Benny Sevinger y Mike Eman.

    E 1.6 Biyon cu ta 1000 Miyon cu ta e pot cu Mike y Benny tabata tin na nan disposicion, no tabata forma parti di ningun proyecto institucionalisa manera ley ta exigi.

    No tabata tin un plan infrastructural, manera nan a priminti. Cada bishita di Mike den bario tabata subi e gastonan cu nan mes no tabata paga.

    No ta gobierno anterior, pero pueblo di Aruba awe, mester paga e proyectonan di Green Corridor y Watty Vos Boulevard di 180 Miyon y 420 Miyon. Nan a bira casi dobel mas caro pasobra a uza un sistema cu companianan ta construi y awe Aruba ta paga. Durante 18 aña Aruba mester paga 18 Miyon pa Green Corridor y e brug di Spaans Lagoen y durante 20 aña 20 Miyon pa Watty Vos Boulevard.

    Nan ta parti di e total di proyectonan pa cual no tin un lista di prioridad.

    E rapport oficial ta mustra cu no tin prueba cu mester a laga tur otro gasto para pa haci e gastonan enorme.

    Pio ainda, gobierno Mike Eman no a rondia alternativanan, pues formanan mas barata pa realisa e proyecto pero a bay tras di loke a keda presenta na nan den e sistema di PPS pa paga despues cu a sali Aruba mucho mas caro.

    E instancia oficial y di mas halto riba tereno financiero di Aruba ta acusa gobierno Eman di a gasta placa sin cu control sikiera tabata posibel.

    E miembronan di Parlamento di AVP ciegamente a permiti gobierno Eman haci y deshaci cu placa, loke tambe ta wordo condena dor di Algemene Rekenkamer Aruba.

    Na 2017, Algemene Rekenkamer Aruba a bati na porta di Benny Sevinger cu a dera su cabes den santo y no a sikiera contesta e instancia financiero oficial di Aruba. Tabata gobierno nobo di Wever-Croes cu a atende cu e situacion y awe mester termina proyectonan cu ta exigi mas gasto cu nunca por a pensa.

    DIARIO lo pone tur berdad riba mesa!

    - Advertisement -

    DUNA COMENTARIO

    Please enter your comment!
    Please enter your name here