Home Policial Razzia na Tanki Leendert a produci detencion den caso di atraco na...

Razzia na Tanki Leendert a produci detencion den caso di atraco na Little Europe

597
0
SHARE
- Advertisement -

ORANJESTAD (AAN): Tabata riba Diahuebs 17 di October, cu dos hende homber cu arma di candela a drenta den e joyeria di Little Europe riba Lloyd G. Smith Boulevard den zona di turismo, y a baha bay cu cantidad di prenda.

Tur dos atracador tabata di habla hispano, y despues di e acto aki, tanto Polis, Recherche, y Atraco Team a cuminza cu investigacion.

Vocero Policial a confirma na DIARIO, cu Dialuna madruga, Atraco Team a detene un sospechoso den e caso aki.

Cu yudanza di Team di Aresto, nan a tene un razzia mainta trempan na un cas na Tanki Leendert.  Aki a detene un sospechoso di nacionalidad Hulandes relaciona cu e atraco.

No ta descarta cu lo por tin mas detencion den e caso.

Mando Policial ta contento cu e bon trabao di e funcionarionan hudicial di Atraco Team cu ta trahando dia y anochi pa asina pone man riba sospechosonan.

 

- Advertisement -

DUNA COMENTARIO

Please enter your comment!
Please enter your name here