Home Social Rotaract Club Aruba hopi satisfecho cu nan evento ‘Pasa Pret cu Rotaract’

Rotaract Club Aruba hopi satisfecho cu nan evento ‘Pasa Pret cu Rotaract’

15
0
SHARE
- Advertisement -

ORANJESTAD (AAN):   Diasabra ultimo na Club Caiquetio, Rotaract Club Aruba a organiza nan evento ‘Pasa Pret cu Rotaract’.

Diantha Boekhouwer, Presidente di e club a duna di conoce cu esaki ta e di 6 aña cu nan ta organiza e evento aki pa tur e muchanan.

Esaki ta un actividad cu nan ta organiza den conexion cu Dia Internacional du Derechonan di Mucha, dia 20 di November.

Un di e derechonan di mucha cardinal ta cu nan tin e derecho di por hunga. Pesey nan tin e feria di ‘Pasa Pret cu Rotaract’ unda cu e muchanan por a yega y hunga diferente wega popular cu nan por a entretene nan mes y tambe por pasa tempo cu nan mayornan.

Awendia e muchanan tin aparatonan electronico,  nan telefon, tablet, pero ta importante pa nan pasa tempo tambe cu nan famia, of haciendo actividadnan sano y pasando pret pa asina por goza di ta un mucha, Boekhouwer a expresa.

El a laga sa cu nan ta masha satisfecho cu e acogida brinda. Hopi mucha a acudi, ya sea cu nan amigonan, compañeronan di scol of cu un familiar.

Banda di e weganan popular tabata tin baile, e Mobile Lab, dino jump. y hopi mas.

Rotaract Club ta un club di hobennan entre 18 y 30 aña. Nan ta organiza diferente actividad durante e aña pa e muchanan y hobennan. Tambe nan ta yuda e grandinan.

Banda di esaki nan tin nan ‘graduation project’ unda cu nan ta traha cu hobennan den ‘examen jaar’ di diferente scol. E aña aki nan ta trahando cu Abraham de Veer Scol y Augustinus College.

Rotaract ta un grupo di 26 miembro cu tey pa yuda comunidad di Aruba,  Diantha Boekhouwer a declara.

 

- Advertisement -

DUNA COMENTARIO

Please enter your comment!
Please enter your name here