ORANJESTAD (AAN): Awor cu e proyecto principal di Watty Vos Boulevard a keda cla, e contratista Mota-Engil tin como 4 luna di tempo ainda pa asina finaliza tur e toquenan final cu mester haci ainda.
Esey ta encera e landscaping, ponemento di detayenan, algun patch di asfalt na Boegoeroei, y tambe e embeyecimento di e rotonde riba Avenida Nelson Oduber.
Ta trata aki di e rotonde cu ta hopi conoci antes como “Rotonde Sasaki”, y tambe conoci como “Rotonde banda di Eagle Bowling”.
Ya caba por nota cu trabaonan ta wordo haci riba e rotonde, y riba e potret aki DIARIO ta mustra pueblo con e mapa y impresion artistico presenta na Januari 2014 ta.
Pues e lo haya un cura, yerba, y tambe palma riba dje. Y e plan original ta poni cu e logo di Aruba lo bay worde traha grandi y poni mey-mey tambe. E ta encera tambe algun fontein.
