Home General Scarcedad di duanero ta un ‘time bomb’ den temporada di fin di...

Scarcedad di duanero ta un ‘time bomb’ den temporada di fin di aña

78
0
SHARE
- Advertisement -

Presion ta hopi na Aeropuerto

* Airport sin personal pa control

ORANJESTAD (AAN):   Presidente di Sindicato SADA, Eduard Maduro a indica cu no solamente na aeropuerto, pero casi tur caminda tin problema cu falta di personal.

Esaki ta bira mas dificil awor cu e situacion unda no por laga hende reforza e departamento cu overtime. E situacion aki a cuminza di aña pasa caba cu e cambio di warda na aeropuerto, cu e presupuesto, cu e supuesto besparing cu esaki lo a trece.

Segun Maduro, tur esaki a pone cu e presion a bira hopi grandi pasobra tin scarcedad di personal. El a bisa cu nan a tuma nota di e rapport di CAft cu a sali, pero SADA si ta señala cu nan ta hopi scars di personal y aworaki  e asunto di overtime a bin acerca.

El a remarca cu e dienst kier pa tin e bezetting pa por traha, pasobra si no tin bezetting no por traha pasobra no tin ‘back up’, filanan ta pega na aeropuerto y kizas e comerciantenan  ta haya dificultad cu nan containernan.

Eduard Maduro a reitera cu nan tin tiki personal. Nan ta 6 hende y tin un situacion hopi fastioso. E presion ta bin di ariba pa corta delaster overtime.

A agrega cu e ambtenaarnan kier traha overtime, pero tin ora ta yega un momento cu no kier ni traha mas pasobra ta asina overbelast cu e trabao cu tin ora kier bay cas, pero door di e situacion na airport, esey no por.

Tin coleganan na airport cu ta keha cu e situacion ta hopi dificil, a subraya. Ta yegando e temporada druk, nan ta puntra con nan ta bay haci esaki pasobra “e ley den su man ta mara of e no kier lanta para y bisa gobierno cu bo no por corta den spier.

Si bo tin vet, corta vet bay goal. Pero un bes bo ta yega na spier, bo no por corta spier, pasobra e ora con ta bay para cu e control, con ta bay para cu e entrada”, a expresa.

Tur e cosnan aki mester wordo poni den balans pasobra ta facil pa gobierno bisa cu mester stop tur overtime, pero con a para cu e personal si no tin hende pa traha. Imagina  un aeropuerto cu 600 pasahero y 2 hende so di Douane pa haci control? Un caos total!

Maduro a indica cu nan ta bay atende e asunto aki entre coleganan pa wak ki pasonan nan ta bay tuma.

Den tur departamento di Douane tin deficit di personal. Un caminda mas cu otro. Si tin hefenan cu por duna un man, a señala cu esey ta nan tarea  y pesey nan ta un douane ambtenaar.

Tog no por conta ariba e hefenan pa asina suaviza of baha e druk di trabao. Nan por duna un man, pero no ta papiando di 10 hende. Ta papiando di un 50 hende cu Douane tin falta den nan personal, Maduro a splica.

E aña aki, a laga sa, un klas mester a cuminza y gobierno a stop’e. Aparentemente ta poni pa otro aña y no ta sigur con esey lo ta tampoco. Ta wak cu den un futuro cercano no ta bay cera e ‘gap’ di personal den Douane, Eduard Maduro a duna di conoce.

- Advertisement -

DUNA COMENTARIO

Please enter your comment!
Please enter your name here