Home Turismo Secrets Baby Beach Resort lo no tin ningun influencia negativo riba medio...

Secrets Baby Beach Resort lo no tin ningun influencia negativo riba medio ambiente ni ecologia

99
0
SHARE
- Advertisement -

ORANJESTAD (AAN): Siman ta habri, cu un declaracion di Connected Capital, Grupo Martinon hunto cu Three Rivers Real Estate.  Nan a duna nan gradecimento na pueblo pa duna nan e honor pa por tin e oportunidad di cuminsa e proyecto aki.

Nan ta consciente di e importancia di e plan di desaroyo cu e Gobierno a programa pa e pueblo di San Nicolas. Pesey e proyecto a worde crea y desaroya y lo worde construi den un manera ecologico pa Aruba, specialmente e pueblo di San nicolas.

   CONSTRUCCION:

E prome fase di e hotel tin un tempo di construccion di 18 luna di comienzo.  Despues di e proceso aki, e hotel lo habri su portanan. E fecha di inicio lo ta den acuerdo cu e datonan di entrega y e autorisacion di permiso. E segundo fase lo cuminsa despues di e transicion estableci. Esaki tin un tempo stipula di 12 luna.

Inicialmente e proyecto di Connected Capital tin un inversion di aproximadamente di 200 miyon, dividi den dos fase:

(1) E prome fase di e proyecto di 600 camber ta cuminsa cu un suma di aproximadamente 127 miyon.

(2) E di dos fase di 300 camber tin un inversion di aproximadamente 73 miyon.

   BENEFICIONAN:

Cu e establecimento di e hotelnan e Gobierno di Aruba ta spera di atrae actividadnan economico pa San Nicolas, no solamente den e forma hotelero pero specialmente den forma di servicio industrial manera laundry service, area gastronomico y pacusnan.

Mayoria di e gastonan di construccion ta bay ta cu companianan local cu lo resulta den un inversion den y pa e economia Arubano. Treciendo trabao temporario pa contratista nan y proveedornan di servicio. E contribucion hotelero ta proyecta pa genera $12,3 miyon den e prome aña y aproximadamente $30,1 miyon den 5 aña.

Lo tin un totalidad di 900 trahado di construccion envolvi, 600 den e prome fase y 300 den e di dos fase. Grupo Martinon hunto cu Three Rivers Real Estate lo haci lo miho di nan pa envolvi compania nan local y ofrece localnan cu oportunidad di trabao via por ehempel Departamento di Labor.

E prome area di e hotel ta spera di genera directamente 330 empleo, siguiendo cu e di dos area den e di dos aña di construccion cu lo forma un totalidad di 500 trahado. Pa e di 5 aña ta spera di tin un totalidad di mas cu 620 trahado.

Aparte di salario e beneficionan di empleo lo encera programanan di salud, iniciativa den conscientisacion social manera derechonan igual, prevencion di abuso sexual, prevencion di adiccion y recuperacion.

Un otro beneficio di e desaroyamento di e proyecto den e area ta e empleo indirecto cu esaki lo crea pa proveedornan local, companianan di servicio y comercio minorista. Esaki ta stipula di trece 60 empleo den e area di comercio.

Tur empleado di hotel lo risibi un training di induccion y e training di capacitacion lo sigui den transcurso di nan empleo. Motivacion laboral, liderasgo y comunicacion, excelencia den servicio comercial, programanan di lenguahe, medio ambiente y sostenibilidad.

Manera describi anteriormente, e actividadnan di e hotel no lo tin ningun influencia negativo riba Aruba su medio ambiente y ecologia. E hotel lo tin pool, casino y otro facetanan di entretenimento rond di un paisahe estilo desierto cual no lo afecta e naturaleza alrededor di e proyecto.

- Advertisement -

DUNA COMENTARIO

Please enter your comment!
Please enter your name here