Home General Serlimar lo haya otro siman rapport inicial relaciona cu problema di holo,...

Serlimar lo haya otro siman rapport inicial relaciona cu problema di holo, huma y gas

191
0
SHARE
- Advertisement -

Compania di Spaña ta encarga cu evaluacion

ORANJESTAD (AAN):  Director di Serlimar, Henley Davelaar a duna di conoce cu ta hopi importante pa por keda duna informacion relaciona cu e ultimo desaroyonan y sigur na esnan cu ta biba den becindario di Parkietenbos y Seroe Tijshi.

Segun Davelaar, nan ta den combersacion constante cu e habitantenan y e stichtingnan riba base semanal pa asina haya un update di loke Serlimar ta haciendo.

“Berdad tin un issue cu e holo eynan y nos a bin ta bisa cu nos ta trahando ariba esey. No mas cu dialuna cu a pasa nos a reuni cu un compania di experto di Spaña, un filial na Colombia. E hendenan a bin cerca nos y nan a haci un ‘assessment’ henter dia”.

A sinta prome pa duna nan un historial den oficina y despues a bay ‘on site’ riba Seroe Tijshi pa nan evalua e situacion  y despues nan a bay na e compania cu ta haci e separacion di desperdicio prome cu nan bay den ‘bales’ y yega cerca nan, a splica.

Na e fase cu ta aworaki, nan a manda un serie di pregunta adicional cu tin cu caba di contesta. Esey a sosode e siman aki y banda di esey nan ta bay traha un rapport inicial di loke nan a detecta. Asina Serlimar ta bay haya un solucion a plazo corto, plazo medio y plazo largo, Henley Davelaar a indica.

Plazo corto ta e parti di holo. Esey ta e prome cu nan ta hay atende ora cu haya e rapport pa asina por alivia e becindario di e holo. Esey no ta keda eynan pasobra na momento cu alivia e holo tin cu bay atende cu e problema for di su fundeshi.

Esey ta nifica cu ta bay tin midimento di e areanan unda e ‘bales’ ta poni caba pa wak e cantidad di gas, tipo di gas, temperatura, pa asina por bay haci e trabaonan necesario di remediacion pa por soluciona e problema pa tempo largo.

Adicionalmente, pa contene e holo lo bay uza e metodo di uza un meter di calichi sefta riba e area cu aworaki ainda falta pa pone ‘liners’ . E calichi ta bay wordo compacta mas tanto posibel di modo cu ta evita cu gas por pasa, a declara.

Segun Davelaar, practicamente cu tur material cu pone e ta laga espacio pa gas por sigui pasa ya cu e material ta fermenta. Pero entre mas cera e ta menos chens tin. Esey ta e solucion na corto plazo.

Serlimar tin un plan di maneho y ta un echo cu nos ta tur cos cu tin den e plan aki a wordo ehecuta na e manera exacto. Pero por ta door di falta di conocimento, falta di recursonan.

Ta netamente pa esey cu a envolvi un compania cu ta experto den e ramo aki pa por haya un solucion duradero ariba esaki, a subraya.

Tur esaki a wordo comparti cu e stichtingnan y na momento cu haya e rapport inicial lo bolbe haci un reunion cu nan pa informa kico ta e stapnan cu ta bay sigui, a bisa.

Dialuna awor ta bay tin e reunion cu e compania y pa otro siman caba ta bay tin un rapport inicial pa bisa kico ta bay sosode a corto plazo.

 

- Advertisement -

DUNA COMENTARIO

Please enter your comment!
Please enter your name here