ORANJESTAD (AAN): Diamars mainta, representantenan di Sindicato SADA, Sindicato TOPA, Sindicato SPA, Sindicato SEPPA, y tambe Sindicato SIMAR a presenta na Conseho di Ministronan, pa asina sigui cu e negociacion pa asina busca derecho di indexering pa nan miembronan.
E mainta aki, e Sindicatonan a duna Ministronan un carta pa bisa e miembronan a desaproba e ultimo proposicion di Gobierno. Pues e fli pa paga Indexering den un sistema indirecto, pero te na 2025 no ta subi.
Pero nan ta mustra nan buena fe, di cambia y reformula e exigencia di 3.6% di e Sindicatonan.
Sindicatonan ta mustra cu nan ta keda para riba e pensamento basico cu indexering tin di bay den salario, y awor ta dispuesto pa pone un suma fiho den salario, esta 101 Florin pa luna. Nan a yega na e suma ey como cu e ta un promedio igual na 2.4% di perdida di poder di compra.
Asina ta resta 1.2% y pa esaki Sindicatonan ta pensa cu por negocia pa bin cu un sistema alternativo pa asina pago wordo haci. Esey tin di wordo poni den man di un comision pa traha riba e idea ey.
Sindicatonan ta pone un deadline di Diamars 12 di November pa 12:00 pm pa haya contesta di Gobierno.
