Home Enseñanza SKOA tabata anfitrion di e reunion di Bestuurnan Catolico di Obispado

SKOA tabata anfitrion di e reunion di Bestuurnan Catolico di Obispado

130
0
SHARE
- Advertisement -

ORANJESTAD (AAN):  Anuesca Baly, directora di SKOA a duna di conoce cu diahuebs, despues di hopi tempo, SKOA tabata e anfitrion di e reunion di tur directiva di school catolico di e islanan cu ta cay bao di e Obispado.

Nan a discuti ariba diferente topico y pregunta manera con por reforza e scolnan catolico, kico ta e problemanan cu tin y con lo por anda cu e trends di comunidad den e sentido di e muchanan cu ta den gang, entre otro.

E reunion lo dura dos dia, diahuebs y diabierna,. Cada isla a duna nan presentacion y nan ta bisa kico nan ta haciendo pa reforza e parti di religion y fe na e scolnan catolico.

Tabata tin representantenan di Sint Maarten, Corsow, entre otro.

E reunion catolico di Obispado ta wordo organiza tur aña. Pa diferente motivo e no a tuma lugar ultimamente. Pero e aña aki a dicidi di hacie un biaha mas cu tur e school bestuurnan.

Baly a indica cu tin puntonan cu ta basta alentador ya cu a mira unda por traha hunto y unda tin retonan.

Aworaki un di retonan ta con ta trece e muchanan bek, haya nan interesa den scol, pero tambe den e parti di fe. Fe ta e parti caminda cu ta forma e hende pa respeta hende. “Si bo ta respeta e hende, bo tin amor pa e hende, automaticamente tur cos ta cana”.

Tambe a keda di toca e tema di con ta bay wak conhuntamente cu mayor y cu misa cu e mucha no ta bay bira adicto na cosnan secundario, Anuesca Baly a declara.

Di e manera aki e reunion a bay diahuebs y lo continua awe diabierna, den un bon ambiente y mirando con por yega na palabracionnan na bienestar di e hobennan.

- Advertisement -

DUNA COMENTARIO

Please enter your comment!
Please enter your name here