Home Enseñanza Sta. Anna Scol a clausura un Siman di Festival di Buki hopi...

Sta. Anna Scol a clausura un Siman di Festival di Buki hopi exitoso

13
0
SHARE
- Advertisement -

Juffrouw Reina Werleman-de Cuba:

ORANJESTAD (AAN) – Na Scol Sta. Anna na Noord, a  clausura e siman di Festival di Buki 2019, na un manera hopi special.

Jufrouwnan Reina Werleman – de Cuba y Shahaira Least, tabata encarga cu e Comision cu a organiza e Festival di Buki na scol.

Den entrevista cu DIARIO, Juffrouw Werleman -de Cuba a menciona cu tur aña Sta. Anna Scol ta dedica atencion na e siman aki, y pa e clausura nan tabata tin presentacion di baile di klas-2de B y 3de-A. Tambe tabata tin un exposicion den cual a traha un burico y diferente obra di arte, di klas 4de B.

Diferente autor a bishita e scol, unda e muchanan a pasa bon y a goza di e diferente presentacionnan.

Juffrouw Werleman a duna di conoce cu e aña aki nan a haci un competencia di poesia y storia, desplegando hopi creatividad y fantasia. E muchanan a enfoca riba e tema “Medio di Transporte”.

E meta di e competencia aki tabata pa laga e muchanan pone nan pensamento riba papel, lanta interes pa skirbi y tambe pa nan haya interes pa lesa mas.

Como clausura e muchanan a balia e tema di e Festival di Buki 2019 y tambe a anuncia e diferente ganador di storia y poesia. Pa esaki nan a haya cooperacion di Edseline Figaroa, cu a forma parti di  Hurado. Santa Anna Scol a conclui cu un siman di Festival di Buki hopi exitoso, y Juffrouw Werleman y Juffrouw Shahaira Least, a gradici na e team di Sta. Anna Scol, na John Albert, meneer Booi, sra. Nata, Edseline Figaroa.

- Advertisement -

DUNA COMENTARIO

Please enter your comment!
Please enter your name here