Marshe Rancho dia 28 di November 2019
ORANJESTAD (AAN): Ken no ta corda e markthallen den centro Oranjestad unda berdura, carni y pisca tabata wordo bendi?
Hopi habitante di Aruba tabata depende riba e mercado aki pa cumpra producto fresco pa come. Awendia esaki no ta existi mas, pero hopi di nos localnan ta desea di mira esaki bek den e centro di
Oranjestad.
Marshe ta un nomber conoci na Curacao (Plaza Bieu) y Bonaire unda diferente producto local ta wordo bendi. Stichting Rancho ta desea di crea Marshe Aruba den Rancho/Oranjestad.
Trahando hunto cu Fundacion Marshe Curacao nos kier organisa Marshe tur final di luna den 2020, unda comunidad por haya e oportunidad di cumpra y bende nan productonan local.
Stichting Rancho hunto Centro Di Actividad Rancho lo organisa programa social-educativo pa motiva mas habitantenan di e bario di Rancho pa produci nan mes un productonan cu nan por ofrece den e Marshe.
Dia 28 di november 2019 lo organisa un otro Marshe unda comunidad di Aruba ta keda invita pa bishita y duna sosten na e proyecto importante aki pa Aruba.
