Home Cultura Stichting Rancho tabata presente den Expo Guajira 2019

Stichting Rancho tabata presente den Expo Guajira 2019

32
0
SHARE
- Advertisement -

ORANJESTAD (AAN): Clifford Rosa, presidente di Stichting Rancho a expresa cu e ta hopi gradici cu Camara di Comercio di La Guajira a invita nan pa ta presente den Expo Guajira 2019.

Segun Rosa, hopi biaha nan a scucha di e Expo Guajira y awo nan a haya oportunidad pa  experencia esaki, sin laga afor aliadonan cu nan tin na Corsow, cu tambe a haci hopi esfuerso y ta e pais invita pa e Expo Guajira.

Tin hopi pasonan grandi pa loke ta trata desaroyo comercial na Corsow. Como Fundacion, nan ta trahando hopi duro pa un intercambio cultural y comercial, pero tambe riba tur otro oportunidad cu por presenta.

Durante Expo Guajira nan a mira desaroyonan cu ta tumando lugar y esaki ta loke isla di Aruba hunto cu La Guajira por haci den diferente manera y sigui traha hunto, segun Rosa.

Un expo di e nivel aki tin varios beneficio, pero Fundacion Rancho ta trahando riba seguridad di alimentonan. Nan a wak y scucha tur proceso relaciona cu produccion di cuminda local, y asina cu produccion local pasa den tur certificacion, nan ta cla pa wordo exporta.

Practicamente locual cu e islanan mester, pasobra esaki ta inclui Aruba, Boneiro y Corsow, desde ceramento di frontera, ta pasando den momentonan hopi dificil. Como Fundacion, nan ta haciendo nan maximo esfuerzo pa trece e productonan pa comunidad por haya nan alimentonan sigur y di un manera sostenible tambe.

Pa 2020, Fundacion Rancho ta kere cu Corsow lo saca otro embarcacion for di La Guajira pa Corsow, y asina esaki sosode, nan ta premira cu Aruba tambe lo haya nan embarcacion cu productonan basico y asina alimenta comunidad.

Pero tambe pa loke ta trata acuerdonan na beneficio di agricultornan y mehoracion den sistema di agricultura. Nan lo traha cu diferente organizacion y nan tin un proyecto cla pa wordo presenta na Aruba pa yuda departamento di agricultura y con nan lo introduci esaki.

Rosa a probecha pa gradici nan sponsors cu por a haci nan presencia den e expo posible.

- Advertisement -

DUNA COMENTARIO

Please enter your comment!
Please enter your name here