Home Bites Super Food Plaza ta invita bo na su Christmas Celebration and Bazaar...

Super Food Plaza ta invita bo na su Christmas Celebration and Bazaar 2019

156
0
SHARE
- Advertisement -

ORANJESTAD (AAN): Manera ya caba a bira un tradicion, tur aña Super Food Plaza ta organiza e Christmas celebration and bazaar pa asina duna inicio na e temporada di fin di aña. E celebracion aki ta bay acompaña pa musica, cuminda, bebida y ofertananan special pa e anochi aki solamente.

E aña aki e celebracion ta tuma lugar awe diasabra, 30 di November di 6:00 pm pa 9:30 pm na Super Food Plaza mes. Grupo di Betico lo toca desde 6:00 pm, sigui pa Koor Dibino Niño pa 8:00 pm. Lo tin mas cu 30 stand cu varios articulonan di Pasco traha localmente, entre otro decoracion como tambe cuminda.

Den Super Food Plaza mes lo tin tasting di varios distribuidor y hopi descuento den e varios departamento. E panaderia lo ofrece oliebollen na solamente Afl. 7.50 pa 10, como tambe special ariba kerst amandelstaaf y otro specialidadnan di Pasco.

E departamento di grocery lo ofrece caha di Amstel Bright na Afl. 66.98 (max 2 pa persona), 20% di descuento ariba frozen picnic ham y mucho mas. Parti patras di e edificio tin kerstboom na venta y ta duna Afl. 25 di descuento ora di mustra bo Bonus Card.

Ariba den Casa lo ofrece 15% di descuento ariba decoracion di Pasco mas un mata di poinsettia fresco gratis cu compra di Afl. 100 of mas (mientras tin stock). Intertoys lo regala clientenan un regalito gratis cu compra di Afl. 100 of mas y Bliss lo tin specials ariba nan gift sets.

E evento aki lo bira uno cu no por perde, pasobra lo bo experiencia sneu na Aruba y Santa Claus lo tey pa saca potret cu tur e muchanan. Un y tur ta keda invita pa bin pasa un rato placentero na Super Food Plaza su Christmas Celebration and Bazaar.

- Advertisement -

DUNA COMENTARIO

Please enter your comment!
Please enter your name here