Home Gobierno SVb a lanza nan web portal ‘MISVB 2.0’

SVb a lanza nan web portal ‘MISVB 2.0’

175
0
SHARE
- Advertisement -

Ta drenta den un era digital:

ORANJESTAD (AAN):  Na SVb San Nicolas tabata tin lanzamento di e proyecto MISVB 2.0.

Esaki tabata un momento historico pa e Banco di Seguro Social (SVb). Director Edwin Jacobs a splica cu for di  un tempo pasa nan ta bin ta informa cu den cuadro di un vision cu SVb a formula y a yama Vision 2020, nan ta trahando pa transforma SVb di un organizacion tradicional burocratico pa bay over na un organizacion moderno, digital y transparente.

A yega asina leu cu Diabierna a lanza e prome paso den e vision 2020 inaugurando nan web portal ‘MISVB 2.0’ cual ta bira e base di e servicionan digital di SVb na comunidad di Aruba, Jacobs a remarca.

Di e forma aki SVb a drenta den un era digital. Ta cerando e decada aki y ta bay drenta den un decada caminda cu ta bay conoce transformacion. ‘MISVB 2.0’ ta e prome paso, pero un paso solido.

Tabata un trabao den ekipo caminda diferente colega a duna nan contribucion pa yega unda nan ta awe cu e proyecto aki, Edwin Jacobs a splica.

Den 2020, e clientenan di SVb lo experiencia e servicionan nobo mediante e web portal entre otro, e meta di seguridad social pa tur.

E web portal aki ta ofrece un pakete di servicio. E dunador di trabao ta bay tin acceso 24 ora pa dia. Pa SVb esaki ta un paso sumamente importante.

Minister Dangu Oduber a inicia e proceso digital door di manda un email na mas di 3 mil dunador di trabao informando nan cu e web portal ‘MISVB 2.0’ ta den aire y cu nan por cuminza registra nan mes pa e servicionan.

- Advertisement -

DUNA COMENTARIO

Please enter your comment!
Please enter your name here