Home Parlamento Ta necesario maneho preventivo pa malesanan cronico manera diabetes

Ta necesario maneho preventivo pa malesanan cronico manera diabetes

45
0
SHARE
- Advertisement -

Parlamentario Mervin Wyatt-Ras

ORANJESTAD (AAN): Parlamentario Mervin Wyatt-Ras ta trece padilanti cu enconexion cu dia di diabetis dia 14 di November venidero Prisma ta organisando diferente tayernan dirigi riba pashentnan cu tin e malesa diabetis tipo 2.

E ta un malesa cu ta afecta hopi di nos hendenan. Por a compronde cu tin mas o menos 4000 pashent cu ta diabetico y cu e cantidad aki cada aña ta aumenta cu 200 pashent. Banda di esaki tin malesanan chronico, entre otro presion halto, malesanan cardio vascular, malesa di long, curazon y cancer.

Nan ta malesanan cu ta lanta cabez y mester ta al dia pa preveni. Factornan di risico ta life style, movecion, aspectonan genetico, edad y obesidad.

Gobierno anterior den pasado a inverti hopi den prevencion. A bin cu IBISA, a inicia wondenpoli, a bin cu linear park pa nos hendenan por cana y move, deporte y praktijkondersteuners den oficinanan di docternan di cas pa monitor y guia pashentnan cu tin malesanan chronico. ta necesario continuacion di e esfuerzonan preventivo aki.

Paso si no preveni e pashentnan  aki ta end up ta tuma dialysis. Esaki ta un gasto hopi grandi pa AZV y na ImSan so tabatin di 12 pa 18 stul pa atende patient.

Un total di 68 pa 70 patient pa siman den 2 turno. Ademas tin pashentnan ta haya dialyse na cas. Mirando esaki ta importante pa inverti den esaki. Por nota cu ImSan ta continuando cu e proyecto dirigi riba tratamento di cancer. Ta trahando ariba un bunker y esaki ta bayendo hopi bon. Baptist Health a duna cooperacion na gobierno desde aña 2012.

A base di reconocimento di JCI e ora por hisa credibilidad di e cuido cu ta ser otorga door di e sistema aki di acreditacion. Lo tin reconocimento tambe di e seguronan internacional. Esaki lo haci posibel cu nos pais por bay over na turismo medico.

Esaki ta hopi importante mirando e hecho cu e gobierno aki no a haci nada pa tene Citgo habri y a kita cantidad di hende y no tin otro perspectiva pa otro formanan pa sostene nos pilar economico cu ta turismo.

Desaroyo di turismo medico den futuro sigur lo duna un empuhe na nos economia. Wyatt-Ras ta spera cu e minister aki no mira esaki djies como un proyecto di gobierno anterior. E mester tuma esaki cu mannan habri pa logra cambio positivo riba tereno di salubridad.

Hunto cu construccion di e bunker lo construi 2 sala di operacion general y un sala di operacion pa opthalmologia (wowo). E proyecto ta encera 60 miyon y lo por atende 400 pashent di cancer y lo duna 45 persona trabou. E director a indica cu e proyecto lo ta cla pa ser uza na maart 2019.

Pa loke ta e area di salubridad Wyatt-Ras a haci varios pregunta na minister e cuanto entre otro e investigacion na Laboratorio, renovacion di hospital, ley di AruBIG y mas y te ainda no a ricibi contesta ni despues di a manda un carta di rappel.

Ta lamentabel pero esaki ta cuadra cu e forma con gobierno  ta trata parlamento. Ora cu na fin di e aña parlamentario 2018-2019 a trata e overzicht di trabounan di Staten a constata cu di e 701 pregunta cu parlamentarionan a haci ministernan a ricibi solamente 374 contesta, esaki ta un tiki mas cu 50%. Di e preguntanan di fraccion di AVP mescos.

Di e 276 pregunta nos a haya solamente 130 pregunta contesta. Pues nos no ta hayando contesta ariba nos preguntanan. Esaki no ta conta pa e minister aki so sino tambe pa e minister di enseñanza y esun di asuntonan social y labor. Esaki ta sumamente lamentabel.

Rol di parlamentario ta pa controla trabou di minister y si no ta haya contesta esaki ta nifica cu gobierno no ta laga parlamento control’e y no ta transparente.

Sea ta oposicion of parti di nan friends and family gobierno mester contesta parlamentarionan. Nos pueblo ta preocupa. Ainda e wachtlijsten pa specialista, docternan di cas y wachttijden na Spoedeisende Hulp ta halto.

Promesanan cu a ser haci y cu no ta ser cumpli. Minister mester ta mas serio pa cu salubridad. Mester atende cu preocupacion di pueblo.

- Advertisement -

DUNA COMENTARIO

Please enter your comment!
Please enter your name here