Home Tempo Tormenta Tropical ‘Sebastien’ a forma pero no ta menaza pa e region

Tormenta Tropical ‘Sebastien’ a forma pero no ta menaza pa e region

32
0
SHARE
- Advertisement -

ORANJESTAD (AAN):  E area di presion abao riba Oceano Atlantico, djis panort di e islanan mas nort di lama Caribe, riba Diamars merdia a sigui desaroya y a bira Tormenta Tropical Sebastien.

Departamento Meteorologico di Aruba ta informa cu diferencianan chikito di presion den region ocasiona pa Tormenta Tropical Sebastien, cu ta moviendo noordoost di Caribe, lo mantene na Aruba e biento zwak te modera durante proximo 24 ora.

Humedad disponible den region lo combina cu e biento relativamente zwak aki pa ocasiona breve momentonan cu hopi nubia y produci localmente algun awacero breve riba e isla.

Condicion di lama: olanan ta for di direccion noordoost cu haltura di 2 te localmente 4 pia.

Tormenta Tropical Sebastien tabata move noordwest riba oceano Atlantico y no ta un menaza pa region local.

 

- Advertisement -

DUNA COMENTARIO

Please enter your comment!
Please enter your name here