Home Policial Truck a hera pasa ariba Mitsubishi na e rotonde di Ponton

Truck a hera pasa ariba Mitsubishi na e rotonde di Ponton

601
0
SHARE
- Advertisement -

ORANJESTAD (AAN):   Lo tuma un tempo pa e automobilistanan custumbra cu e rotondenan nobo. Esey ta un hecho, pero por ripara cu tin otronan cu ta masha pura mes pa yega nan destino.

Ariba rotonde di Ponton, diahuebs algo pasa di 2:30 pm, un truck a pasa rasca un Mitsubishi cu tabata bayendo direccion Noord. E truck, cu parce tabata carga cu santo, no tabata conoci si e tabata pa bay e caminda rechts of e caminda links, pero e chofer a gewoon pasa y rasca e Mitsubishi cu tabata na su banda drechi.

Esaki a stagna e fluho di trafico pa algun minuut pasobra te ora e compania di seguro aparece, sigur esaki lo a dura basta rato.

E recomendacion ta pa bay poco poco ariba Watty Vos Boulevard. Hopi chofer ta coriendo pa loco y na mas di 80 kilometer pa ora. Esaki ta pone bida di hopi hende na peliger.

Tur hende tin derecho di uza e caminda nobo. Tin esnan cu ta custumbra cu e tipo di careteranan asina. Tin esnan cu no.

 

- Advertisement -

DUNA COMENTARIO

Please enter your comment!
Please enter your name here