Home Policial Tur permiso pa parada di carnaval ta tarda 12 dia di trabao

Tur permiso pa parada di carnaval ta tarda 12 dia di trabao

182
0
SHARE
- Advertisement -

KPA cu yamada pa haci tur tramite na tempran

ORANJESTAD (AAN):   Januari ta bay habri y e actividadnan di carnaval ta bay tey tambe. Manera ta conoci, ya caba 4 di Januari tin e parada di Flambeo

Pesey Cuerpo di Polis ta haciendo hopi enfasis pa haci tur tramite na tempo. Nan ta referi na permiso, keurmento di auto, documentonan cu e ley ta rekeri.

Liliana Rasmijn, Vocero suplente di KPA a duna di conoce cu normalmente pa e temporada aki, nan tin tur e informacion di esnan cu ta bende articulonan durante e paradanan di carnaval.

Normalmente den December caba nan ta haci nan peticion y KPA ta djis recorda nan pa pasa tempran y pa tene na cuenta e dianan cu ta cera. Ta 12 dia di trabao, sin inclui weekend den dje, e proceso ta tarda, Rasmijn a indica.

Pesey ta importante pa haci e peticion tempran. E persona mester presenta su ID, pass- photo recien, papel di Censo, e carchi berde di Departamento di Salud. Cu tur e documentonan aki e peticion ta wordo procesa, a remarca.

Esaki ta cosnan cu mester haci tempran mirando cu December ta un temporada cortico y tin hopi dia cera pa motibo di e dianan di fiesta. Ora e prome parada tuma lugar na Januari, hopi departamento ni a habri ainda. DTI ta habri te dia 6 di Januari, Liliana Rasmijn a agrega

- Advertisement -

DUNA COMENTARIO

Please enter your comment!
Please enter your name here