Home General Un atake cibernetico ta contamina netwerk di Hospital

Un atake cibernetico ta contamina netwerk di Hospital

238
0
SHARE
- Advertisement -

Hunta di Directiva di Hospital ta informa:

ORANJESTAD (AAN): Diamars atardi laat, Hospital a emiti un boletin pa confirma cu nan a bira victima di “ransomware”.

Segun e boletin, tabata Dialuna marduga departamento di IT di Dr. Horacio E. Oduber Hospital a bati alarma paso a constata un movimento straño den e netwerk di Hospital. Di biaha  a yama e team di IT hunto y a yega na e conclusion cu e netwerk di Hospital a ser infecta cu un virus miho conoci den e mundo cibernetico como un “ransomware”.

Como precaucion a kibra tur conexion externo pa asina contene e virus mas cu ta posibel.

Di biaha Hunta di Directiva a tuma contacto cu Ministerio Publico cu a sa di indica e pasonan necesario cu mester tuma den casonan asina. Un team di diferente stakeholder externo a bini hunto y desde Dialuna ta haciendo todo por todo pa yega na un solucion teniendo semper e cuido di  pashent na prome luga.

Mester enfatisa cu e cuido medico ta e parti cu mas Hospital ta boga pe y di biaha a crea diferente team interno pa asina percura cu e cuido di e pashent no ta sali perhudica di e atake cibernetico aki. Hospital desde mas di un aña pasa a bay over riba digitalisacion di informacion di pashent.

E informacion medico di pashent aki ta warda riba “computer server” na Kansas City cual no a ser infecta pa e virus cibernetico aki. Esaki paso manera departamento di IT a bati alarma a kibra tur conexion externo pa contene e virus cibernetico aki.

Na momento cu aña pasa e digitalisacion di informacion di pashent a tuma luga a traha riba proceduranan si en caso no tin acceso na e sistema (por ehempel si no tin coriente of internet cay). Den e caso aki no tin acceso na e sistema y pues di biaha a bay over riba e proceduranan aki cu ta consisti di entre otro registra tur informacion di pashent manual.

Si awo mester bay den historia medico esey no ta un posibilidad manera ya a menciona  a kibra tur conexion externo pa contene e virus cibernetico y proteha informacion di pashent.

Tur pashent cu a yega Hospital cu tabatin mester di cuido agudo a ricibi esaki. Actualmente ta trahando riba un plan di emergencia temporal pa asina por sigui registra y yega alavez na informacion di pashent te ora yega na un solucion a largo plaso.

Desde cu e atake aki a tuma luga tur colega di Hospital a pone man na obra sin pense dos biaha pa asina yega na un solucion. Manera cu a yama stakeholders  di diferente instancia nan a habri man pa yuda den e problematica aki.

Di awo palabra di gratitud pa cada persona cu di un of otro manera ta aoprtando y trahando duro pa soluciona e problema aki.

- Advertisement -

DUNA COMENTARIO

Please enter your comment!
Please enter your name here