Home Salud Un biaha mas IT-System na Hospital a bay down

Un biaha mas IT-System na Hospital a bay down

149
0
SHARE
- Advertisement -

ORANJESTAD (AAN): Siman a habri cu atrobe un dificultad tecnico hopi fastioso na Hospital di Aruba.  Esey ta cu henter e IT-System di Dr. Horacio Oduber Hospital tabata down, y offline.

Esey nifica cu e network no tabata funciona.  Y pa tal motibo tur sistema di computer, tur server, y tur informacion digital, sea imagen di echo, imagen di Rontgen, y tambe di CT-Scan no tabata obtenible.

E dificultad a start for di Diadomingo anochi caba.  Y pa tal motibo, no por a procesa afspraak ni tuma informacion di pacient via computer.  Tratamentonan di cada pacient hospitaliza, cu ta den formato digital, tampoco no por a wordo mira.

Esnan cu a yega Servicio di Emergencia, no por a wordo yuda cu computer.  Mester a skirbi tur informacion di e pacient na man.

Cada enfermero riba piso a haya nan ta haci tur cos manual.  Pa colmo riba Diadomingo tambe tabatin problema cu airco.

Como cu e imagennan digital di X-Ray no ta disponible, esnan cu a bay Gipskamer no por a haya yudanza.  Tampoco no por a manda imagennan di X-Ray via email pa specialista y pa docternan.  Prome cu Dialuna caba, tabatin un otro dificultad cu e sistema di potret di X-Ray.

E speranza tey cu expertonan di IT por soluciona e dificultad aki.

 

- Advertisement -

DUNA COMENTARIO

Please enter your comment!
Please enter your name here