5 di november
ORANJESTAD (AAN): Kico ta e retonan pa produci awa y coriente na un isla chikito manera Aruba? Di con no ta genera coriente y awa solamente cu solo y biento?
E contestanan publico en general lo por haya durante un charla interesante tocante desaroyo di awa y energia diamars awor, dia 5 di november na Teresita Center na San Nicolas. E charla, organisa pa WEB Aruba, ta cuminsa 6.30 pm y lo dura te 8.30 pm.
Esnan fascina pa e industria di awa y energia ta bonbini, pero tambe studiantenan, maestronan, instancianan di consumidor, di medio ambiente, tur ta bonbini.
E charla aki ta forma parti di un ciclo di sesionnan di informacion pa diferente gremio den comunidad. Un di e gremionan aki ta miembronan di prensa.
Dia 31 di October ultimo a tene un Masterclass pa e grupo di prensa. Despues di e Masterclass, nan a haña un tour den plantanan di WEB Aruba. Pa posibel pregunta tocante e charla por bishita e pagina di Facebook di WEB Aruba.
