Home Gobierno Wever-Croes ta presenta futuro di Aruba na Reino

Wever-Croes ta presenta futuro di Aruba na Reino

486
0
SHARE
- Advertisement -

Politiconan Hulandes en espera di Ministro Prome Ministro Aruba 

ORANJESTAD(AAN)– Riba Diamars atardi laat, Ministro Presidente Evelyn Wever-Croes a aborda e avion pa Hulanda, caminda e lo mester presenta e futuro di Aruba na Reino.

Hopi atencion ta wordo dedica na supervision of no.  E factor mas importante ta, cu Ministro Presidente Wever-Croes mester splica Reino e forma con su gobierno lo saca Aruba for di e situacion financiero y economico actual y habri porta pa un futuro nobo pa Aruba.

Gobierno di Reino ta wordo forma dor di gobierno Hulandes y e ministronan plenipotenciario di tur pais autonomo den Reino cu ta Aruba, Curaçao y Sint Maarten.

E plannan cu Ministro Presidente Wever-Croes presenta pues lo ta na tur gobierno di paisnan den Reino.

Por comprende cu e gobiernonan di Curaçao y Sint Maarten tin un bon relacion di trabou cu e gobierno di Aruba. E tres paisnan ta comparti tambe problemanan cu a presenta nan mes na gobernacion y cu nan mester soluciona na un forma aceptabel pa gobierno di Reino a base di Statuut cu ta garantisa bienestar di tur ciudadano Hulandes.

E topico aki lo bira uno di combersacion directo entre Ministro Presidente Wever-Croes y politiconan den Eerste Kamer y Tweede Kamer di Hulanda cu kende e gobernante Arubano lo topa.

E lo mester mustra con e actual gobierno tin pensa pa soluciona e problemanan serio di Aruba riba tereno financiero. Den esaki e reforma fiscal lo hunga un papel importante pero sigur e reanimacion di economia di Aruba, cu ta fuente di entrada di e pais.

Importante lo ta e presentacion di e presupuesto di otro aña, cu ta cera cu un saldo positivo a base di e plan di gobernacion di gabinete Wever-Croes.

Representantenan di gobierno Hulandes lo mester responde na e miembronan di Senado y Parlamento Hulandes, cu tambe mester ta bon informa pa por sostene decisionnan di gobierno Hulandes.

E situacion di crisis di Aruba a conduci na un actitud mucho mas critico di parti di mundo politico Hulandes cu kier uza e estadia di Ministro Presidente Wever-Croes pa ricibi mas informacion.

Riba agenda sigur tin e encuentro dia 21 di November cu Ministro Raymond Knops di Relacionnan den Reino, cu kende Ministro Presidente Wever-Croes a crusa spada durante ultimo lunanan cu tambe a brinda mas espacio pa Aruba por a formula su futuro nobo.

E pregunta ta keda si gobierno di Reino lo scrap e peticion pa pone Aruba bou supervision financiero oficialmente manera a wordo pidi dor di CAFT. Aruba a trata di cumpli cu e exigencianan di CAFT sigur dor di inclui e Plan Social den e cifranan oficial di Aruba.

DIARIO lo sigui e bishita di e Ministro Presidente di Aruba na Hulanda y e reunionnan di acerca pa informa Aruba.

Riba e potret por mira Prome Ministro Wever-Croes na aeropuerto di Aruba ayera.

- Advertisement -

DUNA COMENTARIO

Please enter your comment!
Please enter your name here