Home Bites World Series of Poker lo trece extra bishitante tambe

World Series of Poker lo trece extra bishitante tambe

88
0
SHARE
- Advertisement -

ORANJESTAD (AAN): Durante e ultimo lunanan e team di the Casino Aruba na Hilton a haci un gran esfuerso y a inverti fondonan cuantioso pa haci Aruba un parti di e World Series of Poker. E speranza y intencion tabata pa haci e evento aki uno anual, den e temporada transitorio, diseña pa boost e economia di e isla ora ta necesario.

E serie ta enfoca ariba 165 hungador di poker professional, pero lo atrae te cu 300 bishitante, famianan y amistades di hungadornan, den mes manera cu e exitoso Ultimate Bets poker tournaments tabata funciona mas cu 10 aña pasa.

E teamwork di e casino lo ta recompensa dia 14 di November pa 24 di November, ora cu The Casino Aruba y Island Gaming NV fungi como Host di e World Series of Poker, cu facilmente por keda compara cu un evento Olimpico of Campeonato Mundial.

Riba schedule: 10 evento oficial, presentacion di un renchi di oro conmemorativo (y caro) na ganadornan y un wega final Diasabra, 23 di November den oranan di atardi, cu un premio atractivo di $250.000 cash, garantisa.

Ta bon pa nota cu Island Gaming NV ta un compania local, y su ambicion ta pa pone Aruba back riba e mapa mundial di e deporte di Poker ta uno admirabel.

Hungadornan y nan famianan lo ta kedando na varios hotel high-rise mientras cu tur actividad ta tumando lugar na Hilton Aruba Caribbean Resort & Casino.

- Advertisement -

DUNA COMENTARIO

Please enter your comment!
Please enter your name here