Home General Yerbanan lo bay nace for di e saconan poni na cada Overpass...

Yerbanan lo bay nace for di e saconan poni na cada Overpass di Watty Vos Boulevard

7436
1
SHARE
- Advertisement -

ORANJESTAD (AAN): Un biaha mas DIARIO a tuma nota cu ciudadanonan cu no a wordo bon informa, ta saca potret y purba di spanta hende encuanto e dos Overpass cu Watty Vos Boulevard a inaugura recientemente.

Awor tin un Overpass na Meiveld, y tambe uno na Hato.  E brugnan aki ta traha y sosteni cu beton di abao te na halto, y cu beam di hero a conecta otro na halto, reforza cu beton tambe.

Pero bista di publico ta bayendo riba e “furo” cu a wordo poni pafo di e murayanan di beton.  Hopi hende a cuminza pensa, cu tur dos Overpass a wordo traha cu bulto yena cu tera rond di dje.

Pues ta necesario pa bolbe duna un splicacion riba ki funcion e bultonan aki tin.

E bultonan aki ta poni eynan, como cu nan ta wordo yama “Vertical Plant Grow Bags”.  E ta un saco cu ta contene santo, nutriente, y simiña di yerba of otro mata di flor, di cual mayoria biaha e tela ta consisti di polyester.

For di e saconan aki lo nace yerba, cu aki poco tempo (si tur cos sigui segun plan), lo bay yuda embeyece cada Overpass cu bunita landscaping.

Tin di ripiti pues, cu e saconan aki di “Vertical Plant Grow Bags” NO ta sostene e brug.  Nan ta djis poni riba otro dilanti e beton.  Nan ta tapando e muraya, y solamente e parti mas na halto di beton reforza ta visible.

Tin indicacion cu den e Vertical Grow Bags color blanco, tin un otro tipo di yerba compara cu esnan den e Vertical Grow Bags color preto.

E speranza tey cu awor si tur hende por a tuma bon nota di e tarea di cada bulto.  E compania Mota-Engil tin 4 luna maximo ainda pa finaliza cu tur trabao di borchi, landscaping, y trabao cosmetico riba Watty Vos Boulevard.

E distancia for di rotonde Aeropuerto riba e Boulevard nobo aki, yegando te na rotonde banda di Guardian Group Fatum, ta di como 7 kilometer.

 

- Advertisement -

1 COMMENT

  1. Eta basta bon pa sa e informashon ki. Pero pa ora e mata man cuminsa crece, lo tin awa pa mantene e mata berde…

DUNA COMENTARIO

Please enter your comment!
Please enter your name here