Home Gobierno Aruba mester ta sumamente contento di por tin Seguro Medico

Aruba mester ta sumamente contento di por tin Seguro Medico

29
0
SHARE
- Advertisement -

Minister Dangui Oduber:  Hopi pais ainda ta lucha pa cobertura universal di salud

ORANJESTAD (AAN):  AZV a tene su prome  “Universal Health Coverage Event”. Riba dia internacional di Cobertura Universal di Salud ta caminda mundo henter ta enfoca pa cual hopi pais na mundo ainda ta boga pe:  Seguro Medico cu cobertura Universal den Salud. Es decir cobertura pa tur ciudadano riba e pais sin discriminacion.

Minister di Turismo, Salubridad Publico y Deporte Dangui Oduber a haci apertura di e anochi aki caminda Minister a enfatisa cu como ciudadano di Pais Aruba mester ta sumamente contento di por tin Seguro Medico.

Aki na Aruba tur ciudadano cu ta residencia ta conta cu un cobertura amplio den tratamento medico. Pues pa loke ta trata discriminacion den cobertura medico Aruba no conoce esaki. Aruba ta un ehempel mundialmente.

Como asegurado nos por conta cu cuido medico na momento cu malesa bati nan nos porta. Pero pa por ofrece pueblo di Aruba e cobertura medico aki, naturalmente tin retonan cune.

Na Aruba mester ta mas consciente di nos salud, enberdad como asegurado por conta cu cuido medico na momento cu malesa bati na porta pero como ciudadano tambe tin e tarea di ta consciente di e estilo di bida pa evita desaroyo di malesanan cronico.

Den cuadro di prevencion minister a divulga cu na comienso di aña 2020 Aruba lo conta cu un plan nacional di prevencion di NCD’s (Non Communicable Diseases). Esaki ta un plan unico pa Aruba y ta uno multi-sectorial den cual AZV ta un partner importante.

“Como Minister di Salud Publico mi ta compromete mi mes pa sigui traha duro pa sigui mehora nos calidad di cuido medico, sigui enfoca riba mehoracion di accesibilidad di cuido medico y mas importante pa mantene e fondo di AZV sostenibel.”

- Advertisement -

DUNA COMENTARIO

Please enter your comment!
Please enter your name here