Home General Aruba orguyoso cu 1.6 Miyon den stoma di tribon

Aruba orguyoso cu 1.6 Miyon den stoma di tribon

1131
0
SHARE
- Advertisement -

Resumen

E miho manipulacion politico cu historia a produci  

  • Rapport nobo di autoridad financiero ta mas preocupante
  • Nunca Benny y Mike por contradeci abuso di “Bo Aruba” 

Si Aruba kere cu e proyecto Citgo tabata e miho manipulacion politico cu e pais a conoce, ta pa motibo cu ta lentamente pueblo ta comprende e berdad completo di e 1.6 Biyon cu Husticia mester atende.

Ta increibel cu un gobierno por a hinca un pais den loke gobierno Mike Eman a hinca Aruba.

Benny Sevinger tabata encarga directamente cu e proyecto di 1.6 Biyon, cu no tabata ni sikiera documenta manera hende lo a pensa. Ora autoridad financiero a cuminsa investiga loke Benny y Mike na prome luga tabata haci cu placa di Aruba, no tabata tin ni sikiera informacionnan basico pa splica con y cuanto placa Aruba lo mester a saca.

Ta un berguensa cu ainda Mike Eman y Benny Sevinger ta tribi enfrenta Aruba despues cu nan a bay celebra Happy Birthday di Mike Eman na e proyecto cu ta simbolisa con nan a hinca 1 Biyon di Aruba den stoma di tribon.

Te awe ni Mike Eman ni Benny Sevinger por bini dilanti y bisa cu no ta berdad cu nan a abusa di e confiansa di Aruba y a hinca e pais den problema serio den proyectonan cu awe pueblo mester paga.

Siman pasa, autoridad financiero mas halto di Aruba, Algemene Rekenkamer Aruba, a bini cu otro rapport pa splica pueblo e riesgo grandi cu e pais ta core riba tereno financiero a base di e proyectonan di Bo Aruba.

Un ciudadano mester puntra su mes cu cual cara ni Benny ni Mike por enfrenta Aruba ora lesa e ultimo rapport di autoridad financiero di Aruba, cu ta splica cu gobierno actual a logra introduci un maneho pa e forma cu gobierno Mike Eman tabata gasta 1.6 Biyon di Aruba.

Eleccion 2017 a evita cu nan a logra gasta e suma completo di 1.6 Biyon y solamente a pone Un Biyon,  Mil Miyon, den boca di tribon pa guli Aruba.

Benny no a sikiera contesta observacionnan y preguntanan di e autoridad financiero di Aruba na 2017, ora prome cu eleccion a tene fiesta di Happy Birthday pa Mike na e luga caminda a tranca bienestar di Aruba awe.

E formula cu a uza, a haci cu awe e riesgo di sumanan enorme di Aruba ta aumenta den proyectonan den cual Mike y Benny a demostra di ta maestro den manipulacion politico di Pueblo.

Husticia a haci su mes na 2017 ora Aruba a scapa di un desaster financiero total, mientras ainda ningun instancia tabata tin tur informacion riba e abuso di 1.6 Miyon cu AVP a lansa como “Orguyo di Aruba”.

Ta cu dolor Arubianonan ta tuma nota di e segundo rapport di e autoridad financiero mas halto di Aruba riba e pot di 1.6 Biyon, cu a bira e manipulacion politico mas grandi den historia politico di Aruba y ta pone hende puntra nan mes si Mike Eman y Benny Sevinger tin consenshi!

- Advertisement -

DUNA COMENTARIO

Please enter your comment!
Please enter your name here