Home arte y espectaculo Arubiano y su pelicula a wordo nomina pa premio importante na Utrecht

Arubiano y su pelicula a wordo nomina pa premio importante na Utrecht

1663
0
SHARE
- Advertisement -

ORANJESTAD (AAN): Su nomber ta Mario Michael Gonsalves, un hoben di Aruba cu ultimo añanan ya a bin ta marcando su nomber den diferente tereno audiovisual, unavez cu el a subi avion pa bay studia cinematografia den exterior.

Y semper e scol na Hulanda cu ta dedica su mes na e mihor habilidad artistico den artenan y medio, y ta un forza impulsor den e capacitacion y inovacion pa industria creativo, esta HKU (Hogeschool voor de Kunsten Utrecht) ta otorga premio pa esnan cu a presenta e mihor proyectonan di final di estudio den e aña escolar cu ta finalizando.

Nan ta haci esey via di e asina yama “HKU Awards 2019”.  Y e biaha aki, Aruba mester ta orguyoso cu un yiu di tera a wordo nomina.

DIARIO a compronde cu esaki ta e prome biaha cu un yiu di tera ta wordo nomina pa HKU Awards.  Y Michael Mario Gonsalves a wordo nomina cu e pelicula “Patroon”.

Cu su pelicula “Patroon”, Mario kier cambia e imagen stereotipico cu casi semper prensa Hulandes ta duna e hobennan procedente di Aruba y Antillas.  E pelicula ta explora e viahe di autodescubrimento y paternidad di un hoben migrante cu ta crece den parti zuidoost di Amsterdam.  Patroon ta un pelicula den cual hopi inmigrante di Aruba y Antiyas por identifica nan mes cune.

Mario Michael Gonsalves ta un persona cu ta excelente den traha script, controla camera, edita pelicula, y su wowo creativo ta fabuloso ya caba a converti .

E ceremonia y otorgamento di premio mes lo tuma lugar dia 9 di Januari 2020 na Utrecht, Hulanda.

E hoben di 27 aña aki, a cuminza su bida di traha videoclip y pelicula cu un simple camera, y awor ya caba ta conoci como un excelente creador di music videos.

DIARIO ta felicita Mario Michael Gonsalves cu e nominacion, y ta spera cu e lo bay cu e premio maximo otro luna na Utrecht.

 

- Advertisement -

DUNA COMENTARIO

Please enter your comment!
Please enter your name here