Home General Autoridad Venezolano a confisca 1.6 ton di marihuana

Autoridad Venezolano a confisca 1.6 ton di marihuana

19
0
SHARE
- Advertisement -

ORANJESTAD (AAN): Autoridadnan Venezolano a logra di confisca 1.6 ton di marihuana den dos razzia cu nan a tene dia 6 di November y tambe 17 di November, durante di control normal riba caretera.

E prome di e razzia a socede door di miembronan di Guardia Nacional Bolivariana (GNB) unda a haya 766 kilo di marihuana cu tabata scondi den un fondo falso di un truck.  Esey a wordo revela pa Fiscal General Tarek William Saab.

E truck a wordo deteni na un punto di control di caretera di GNB den e sector di Azagua na estado Monagas.

Nan a detene dos hende den e truck, esta Jesus Elias Martinez Laguna y Oscar Samuel Sosa Labrador.

E otro accion a socede dia 17 di November durante un control inespera riba camidna tambe, na estado di Guarico.  Aki e funcionarionan a descubri un fondo falso di un otro truck, y eyden tabatin 857 kilo di marihuana.

Aki a detene dos persona den e truck tambe, esta Augusto Ramon Bravo y Alexis Isidro Aguilar Aponte.

Segun investigacion, a bin haya sa cu tur cuatro detenido tabata pertenece na e mesun organizacion di narcotraficante cu a keda hopi rabia despues di e aresto y e droga confisca.

 

- Advertisement -

DUNA COMENTARIO

Please enter your comment!
Please enter your name here