Home Parlamento Benny Sevinger  di AVP ta gritando den desierto

Benny Sevinger  di AVP ta gritando den desierto

170
0
SHARE
- Advertisement -

Parlamentario Endy Croes mirando cu Caso Avestruz mester ta hopi avansa

ORANJESTAD (AAN): Parlamentario Endy Croes a analisa e politica anticua di AVP un poco mas di cerca. Por a detecta cu ultimo dos siman AVP ta purbando di hala rosea  y ta purba crea un issue cu no ta existi.

AVP pa dos siman largo, di acuerdo cu nan strategista di un edad bastante avansa esta Henny Eman a duna ordo pa ataca Evelyn Wever Croes y Rocco Tjon na un forma hopi baho.

Segun informacion interno Henny y Mike Eman ta kere ciegamente den e tipo di politica aki pa purba na kibra caracter di contrincante politico cual nan ta considera menaza pa ranca voto di AVP.

Catibonan di partido AVP “blindeloos” ta sigui e instruccion di Henny y Mike Eman pa asina tur dia lastra Minister Presidente y Rocco Tjon. Nan punteria ta enfoca riba e dos personanan aki almomento.

Entrega di kehonan sin base:

AVP mediante su secuasenan a purba entrega kehonan contra Minister Presidente sin base. Speed “sauce di banana” ta lastra Minister presidente na un manera feroz sin ningun clase di respet cu e creencia cu asina lo kibra MEP. Speed y Patrick Paskel no ta cobrando mas for di gobierno y esaki tin nan rabia profundamente.

Nan a strica 7 miyon for di Mike Eman y gobierno di AVP. Nos por compronde nan actitud y rabia como cu no tin tasnan di $2000 Dollar mas di marca Prado of Louis Vuitton pa casa. Analisando mas profundo por detecta cu AVP kier logra desvia e atencion real  di e casonan coruptivo di Benny Sevinger y Paul Croes.

   Benny den ansha di morto:

Segun Parlamentario Croes manera ta conoci Ministerio Publico y Team investigador ta avansando hopi riba e caso fraudulento y coruptivo di e “clan” di AVP esta Benny Sevinger, Leoncita, casa di Gaby Werleman pa nombra algun.

Tur sea candidato, ex candidato of casa di candidato, man drechi di AVP y Mike Eman. Paul Croes ta condena caba na 4 aña di prison y su caso pronto lo bin back dilanti den e promer kwartaal di 2020 unda conociendo e caso aki mucho no lo cambia den comparacion cu e sentencia promer.

Benny Sevinger  desde 1 di october Ministerio Publico a haci un entrada hudicial na su cas y na su oficina pero alavez na basta cas mas. Muy probablemente den promer kwartaal di 2020, kisas promer cu carnaval, Benny lo worde aresta y lo mester duna cuenta. P’esey Benny na e momentonan aki asabiendo bon bon kico lo bin pe a cuminsa lastra tur hende di MEP manera cu e ta den un ansha di morto.

Gritonan salvahe di Benny:

Parlamentario Croes ta sigui splica cu nada lo cambia e investigacion cu e gritonan salvahe di Benny Sevinger. Benny realmente ta kere cu valsheid in geschrifte lo cambia? Benny ta corda e caso di Deshaun NV di Leoncita? Carta ta fecha 20 di augustus 2015 y Benny ta firma cu su handschrift cu e carta a drenta 7 di augustus y 14 di augustus 2015 Benny a firma akkoord? Con Benny por splica OM ? Pues e ta aproba e carta promer cu e carta a worde traha?

E tereno aki Leoncita a hay’e riba un NV cu no tabata ni funda ainda, pero a bende esaki caba y placa a bay Miami. Con Benny por splica esaki? Otro tereno di casa di Gaby a worde bendi pa 3.5 MIYON Dollar. “SOLD”.

Aki tambe Benny a coopera contra tur regla. Pues e strategia bieu di AVP no lo traha. Benny, bo cuarto ta cla den Hotel California. It’s a matter of time, Croes ta termina splicando.

- Advertisement -

DUNA COMENTARIO

Please enter your comment!
Please enter your name here