Home General Bon gobernacion lo sigui recobra forsa na 2020

Bon gobernacion lo sigui recobra forsa na 2020

90
0
SHARE
- Advertisement -

Reino cu firmesa pa reestablece orden democratico na 2019 

  • Instancia oficial a recupera control y sector priva a traha
  • Fin di aventura politico y firmesa constitucional pa futuro 

ORANJESTAD(AAN)– “For di 2018 por a nota cu instancianan oficial di Aruba a cuminsa ta bini dilanti pa duna prueba cu e orden di ley na Aruba no a muri. Na 2019, den un situacion sumamente dificil, Aruba por a tuma nota di recuperacion di e guia y control riba e pais dor di instancianan oficial. Den e cuadro aki sigur mester bini dilanti e papel cu instancianan manera Algemene Rekenkamer Aruba a hunga como autoridad halto di e pais, mientras cu organonan empresarial a aporta na e guia pa un base economico nobo.”

E entrada pa un epoca nobo pa Aruba, segun observadornan cu ta sirbi como informantenan experto pa DIARIO, na 2019 algo sumamente importante pa Aruba a tuma luga.

Por a tuma nota cu instancianan oficial a sigui duna prueba di nan luga den e sistema di gobernacion di e pais. Den e cuadro aki sigur a menciona e autoridad financiero mas halto di Aruba, cu ta Algemene Rekenkamer Aruba cu no a laga na mundo politico pa bataya kico ta na interes di Aruba, kico a bay robes y kico mester cambia pa sigura recuperacion democratico di e pais.

“Bon gobernacion ta exigencia di e sistema democratico. Rapportnan cu a mira luz na Aruba na 2019 atrobe a mustra cu e aventuranan politico cu Aruba a registra no por continua,” a wordo mustra.

Den e cuadro aki a papia di e ultimo rapport di Algemene Rekenkamer Aruba, cu a mustra riba e riesgonan cu lo ta berdad di Aruba durante e proximo binti añanan y cu por bira pio si no sigui traha riba un bon maneho di e placa di Aruba.

“Autoridad oficial a bini dilanti y no a laga na interpretacion di mundo politico kico segun ley y tratadonan internacional, mester ta e base di bon gobernacion di Aruba,” a wordo treci dilanti.

Den e forma cu abiertamente Reino y instancianan oficial di Aruba ta exigi pa gobernacion tuma luga, e sistema democratico di Aruba a wordo rescata y reforsa pa asina Aruba por sigui dilanti.

Reino a mustra comprension pa e tempo necesario pa cambio pa un rumbo cu ta saca e pais for di aventura pero a para firme riba bon gobernacion cu ta exigi un forma responsabel pa gasta placa di e pueblo y no crea riesgo grandi pa e futuro financiero manera a sosode añanan largo.

Na mes momento por mira con den sector empresarial tabata hopi iniciativa valioso. “San Nicolas a habri discusion riba su futuro. Camara di Comercio a bini dilanti mescos cu Banco Central cu cursonan y formacion di e empresanan y tabata tin e logro pa empresanan nobo haya asistencia oficial,” a wordo indica.

“Cuida placa di Aruba y iniciativanan positivo a resalta na 2019 loke ta indicacion cu Aruba ta riba e caminda democratico,” informantenan a mustra.

Den e turbulencia di 2019,  iniciativanan valioso a nace y por sinti un animo nobo pa traha pa adelanto pa Aruba, informantenan a indica.

- Advertisement -

DUNA COMENTARIO

Please enter your comment!
Please enter your name here