Home General Calamidad a produci calamidad pa bo Aruba

Calamidad a produci calamidad pa bo Aruba

210
0
SHARE
- Advertisement -

Analisis

Un isla bendiciona ta entrega un les na mundo 

Uno di e miho composicionnan cu ta splica kico ta esencia di Aruba, ta “Nos ta Bendiciona”. Ora e tremendo obra musical resona, Arubianonan ta hisa man na laira pa nan expresa nan mes.

Kico a pasa cu e pais cu nos conoce como “Happy Island” cu awor nos ta papia di calamidad y calamidad?

DIARIO a bay analisa e problemanan y pa nos por a yega na e berdad nos a bay na alma di calamidad cu nos a topa den un rapport di Un Biyon florin cu yama “Bo Aruba” cu ta papia di e temporada cu Aruba a conoce otro calamidad di Un Biyon cu tabata un acuerdo cu Nicolas Maduro.

Nos a analisa kico a produci e problema actual di calamidad y mas calamidad na Aruba y nos mester yega na e conclusion cu calamidad a produci calamidad.

No tin calamidad mas grandi cu ora bo haya bo cu un gobierno, cu ta baha bo entrada manera a pasa cu Aruba.

Mike a baha BBO. Esaki no ta nifica cu por yama un hende calamidad, pero si por constata cu el a produci e motibo pa calamidad.

Pa e calamidad cu el a produci no bira bisto, el a crea “Bo Aruba” cu tabata un pot di 1.6 Biyon. Un calamidad total.

Awe autoridad financiero di Aruba ta na careda pa splica Aruba cu ta awor mester paga tur e proyectonan y con peligroso e proyectonan ta.

Un proyecto no por ta peligroso si hende no a haci nan peligroso.  Awe e “Bo Aruba” cu Mike a crea tin calamidad como producto.

Pa prome bes den historia di Aruba hende tin miedo di bay hospital pa wordo confronta cu calamidad. Personal ta sufri di efectonan di Diesel den e construccion cu a lubida e sala di operacion. Awasero ta nifica cu tin yobida den e edificio, cu tin un generator aden.

Comosifuera esaki no tabata suficiente calamidad, a bini cu un sistema di computer y comunicacion cu a permiti Cyber Attack.

Awor Bo Aruba, cu semper a celebra fiesta di fin di aña, a wordo ataca pa un fantasma pio cu e proyecto di Citgo di Mike & Mike cu ta un calamidad basa riba un acuerdo di Un Biyon cu Mike & Mike a firma cu Nicolas Maduro.

Si Simon Bolivar un dia a libera Venezuela, awe Nicolas Maduro a cambia Venezuela den un calamidad. Ta e calamidad aki, Mike & Mike a trece Bo Aruba, caminda debe nacional a bira un calamidad cu nos mester paga awe.

Esaki no ta suficiente calamidad ainda. Mike & Mike mes no a paga nada tempo nan tabata na mando.

Awor Bo Aruba mester paga durante 29 aña un calamidad di mas cu 600 Miyon pa e hospital cu a bira calamidad.

E proyecto di Un Miyon di Mike & Mike cu Nicolas Maduro a bira un calamidad economico pa Bo Aruba, cu a bira refugio di Miyones cu ta huy pa Nicolas Maduro y su calamidad.

Resultado ta cu refugiado a bira calamidad na Bo Aruba di Mike & Mike.

Pa yega na conclusion final pa cera e analisis aki cu broche di oro mester conclui cu calamidad ta produci calamidad.

Pero no lubida, Aruba ta bendiciona. Ta cu bendicion nos ta confronta tur calamidad pa rescata Arubianismo y cera e brug riba e corridor di calamidad.

- Advertisement -

DUNA COMENTARIO

Please enter your comment!
Please enter your name here