Home Policial Chauffeur a primi pedal robez y a bay dal den Botica Kibrahacha

Chauffeur a primi pedal robez y a bay dal den Botica Kibrahacha

492
0
SHARE
- Advertisement -

ORANJESTAD (AAN): Bon mes cu no tabatin peaton, ni hende hopi cerca den e negoshi, ora cu Diamars mainta, e chauffeur di un Mercedes Benz crossover SUV modelo GLC-250, a bay dal cu e vehiculo den vitrina di Botica Kibrahacha den Super Food Plaza.

Tabata Diamars banda di 8:00 am, cu e informe a drenta cu un accidente peculiar a caba di socede na e botica aki cu ta ser yama tambe Benu Pharmacy.

Polis a yega y bin topa cu e Mercedes Benz color silver cu number A-45049 cu a bay dilanti, bula y subi e acera halto, y casi drenta full den e Botica.  Ta e pida muraya a wanta e vehiculo y evita cu el a sigui drenta.

Agentenan a haya e chauffeur masculino, cu tabata un tiki spanta pero toch a sali ileso.  Vitrina a kibra y no a herida ningun hende.  Personal di Botica a ofrece un stul pa asina e por a sinta y papia cu Polis.

Road service tambe a acudi na e lugar pa asina haci investigacion, y Polis a cera e area pa asina esaki wordo haci.

Polis a bin compronde di e chauffeur, cu den un momento di confusion, el a bruha entre e pedal di brake, y e pedal di trot.  Envez di primi brake, su pia a keda primi trot.  Esaki a pone e auto ‘take off’ y bay dal contra e Botica.

Despues cu a saca e vehiculo, a percura pa cera e lugar cu plywood.

Na Merca, segun estadistica di National Highway Traffic Safety Administration (NHTSA), chauffeurnan di edad tin mas chens di haya nan mes envolvi den accident di auto, compara cu chauffeurnan hoben.  Nan sa cu hopi chauffeur di edad, ta confundi inespera entre e pedal di trot y esun di brake.  Hopi caso tin unda chauffeurnan di edad ta keda primi e pedal (keriendo cu ta brake), y ta subi acera y sea dal den edificio, of dal peatonnan inocente.

Potretnan pa cortesia awe24.com

- Advertisement -

DUNA COMENTARIO

Please enter your comment!
Please enter your name here