Home General China ta registra yamada y chat na Aruba

China ta registra yamada y chat na Aruba

56
0
SHARE
- Advertisement -

Segun cifra mayoria di Aruba ta forma parti di e era digital

*Tur invento di siglo pasa awor ta parti di e circulo mundial

*Maneho di e pais mester tene cuenta cu beneficio y peliger 

ORANJESTAD(AAN)–Na 2025 China lo a alcansa Merca den e total di informacion cu el colecta for di uzo di internet riba computer, telefon, tablet cu ta conecta hende na tur pais desaroya.

Manera DIARIO a trece dilanti den su edicion di ayera, uno di e fayonan grandi den gobernacion anterior a bini dilanti den e proyecto Hospital, cu awe ta duna prueba di e resultado cu falta di balansa den e forma cu a gasta placa.

Ayera tambe DIARIO a cuminsa presenta e alarma grandi cu na nivel mundial a wordo bati pa tur e cambionan y facilidadnan negativo di computer cu ta supera e potencial humano di acumula informacion.

E alarma mundial a wordo bati na momento cu Hospital di Aruba a duna prueba kico por pasa si e maneho di gobierno no ta tene cuenta cu e realidad nobo di Aruba, cu ta parti di e era digital, e era di internet cu ta e comunicacion di computer pa computer.

Pa por midi e peliger grandi, mester tene cuenta cu e luga cu internet ta ocupa den e bida diario di e Arubiano.

Na caminda pa 2020 cu ta hiba Aruba un paso mas cerca di un realidad cu a wordo lubida den e gobernacion cu a wordo hiba y e maneho pa gasta placa segun prioridad, DIARIO a bay determina e uzo cu Aruba ta haci di internet.

Informacion di e fuente di cifranan cu hopi bes ta wordo uza pa hunga politica y manipula cu sentimento di pueblo, ta mustra con ya Aruba no por biba mas sin internet y sistemanan digital.

E situacion aki ta haci importante pa cuminsa splica pueblo riba tur aspecto di uzo di tur e facilidadnan pa comunica riba computer, na telefon, riba tablet, laptop.  Ta tur invento cu a mira luz como adelanto di ciencia, awor ta parti di e circulo grandi di Internet, ICT, Artificial Intelligence, e mundo digital.

Cifranan ta mustra cu grandi y chikito ta parti di e comunidad di internet na Aruba.

Na 2017, e Oficina Central di Estadistica di Aruba a tene un investigacion riba e custumbernan di muchanan y hobennan pa comunica riba computer, via telefon y tablet riba nivel internacional.

CBS a traha un analisis profundo di e conducta di mucha y hoben di entre 5 y 24 aña di edad. 69.5 porciento, pues e mayoria di hobennan e tempo ya tabata tin un telefon cu comunicacion di internet. 37.2  porciento tabata tin laptop, 20 porciento un tablet, 19 porciento un computer pa comunica mundialmente.

For di 2017 e cifra a sigui subi sigur y paisnan y instancianan internacional cu ta sigui kico hende ta haci riba internet ta haya tur informacion di hobennan na Aruba.

Hende grandi no a keda atras. Segun cifra mas cu 60 porciento di hende riba 65 aña, actualmente ta uza internet pa comunica via telefon, tablet of computer/laptop.

Comunicacion ta importante pa busca informacion riba remedi, traha cita, studia, chat, den un palabra, biba normal.

Hende ta realisa cu nan paso ta wordo sigui na China, Merca, Aruba y tur otro parti di mundo? Hende ta realisa e peliger pa diripiente e perde tur informacion cu el a hinca den su computer?

Hospital a bira victima di falta di conocemento y accion contra e ladron, enemigo, amigo, adelanto y peliger cu comunicacion digital a trece pa mundo.

DIARIO lo sigui guia Aruba na caminda pa 2020, cu lo bira e entrada pa e temporada di cual hopi hende tabata tin miedo na cambio di siglo 20 pa siglo 21 y pa cual Aruba no a wordo bon prepara.

 

- Advertisement -

DUNA COMENTARIO

Please enter your comment!
Please enter your name here