Home Hudicial Cinco aña di prison pa duo haya culpable di a haci asalto...

Cinco aña di prison pa duo haya culpable di a haci asalto arma y bay cu 47 mil Florin

270
0
SHARE
- Advertisement -

Atraco di dilanti banco cerca di Sasakiweg

ORANJESTAD (AAN): E hombernan J.G.M. y J.M. acusa di a haci un atraco arma riba un persona cu tabata hiba placa di dos pompgasoline pa deposita na banco cu ta keda hopi cerca di Avenida Nelson Oduber, a scucha Hues condena nan na 5 aña di prison. Hues a basicamente confirma e exigencia di Fiscal.

Apesar cu tur dos acusado ta para riba cu nan no tin nada di haci cu e asalto, Hues riba Diabierna mainta a bisa cu e ta haya legalmente proba cu nan ta culpable di e asalto haci riba 1 April 2019. Hues tambe ta haya J.M. culpable di posecion di un arma di candela cu 10 bala.

Hues a mustra riba e actitud di tur dos acusado, caminda e ta haya cu nan no a responsabiliza nan mes. Teniendo cuenta tambe cu ambos a yega di cay den man di husticia, Hues a condena nan na 5 aña di prison.

Tambe Hues a ordena pa nan paga e 47 mil Florin cu nan a horta. Hues a stipula e medida di pago caminda si nan no paga, nan lo mester bay 1 aña sera. Por a scucha e expresion cu nan lo “apela”.

DIARIO a papia cu mr. Kip pa mira si ta apela e sentencia. E abogado a bisa cu e tin cu papia cu su clientenan y studia e sentencia. El a bisa cu probablemente lo bay apela e sentencia. Ta asina cu e abogado den su defensa a para riba cu no a haya ningun prueba contra su clientenan.

Ta basa riba e declaracion di e homber R., kende a worde haya e placa procedente di e asalto arma. R. ta bisa cu e dos acusadonan ta envolvi, mientras cu e padastro di R. ta papia di dos otro persona peligroso cu R. ta andando cun’e.

Tempo lo mustra si abogado ta apela e caso of no.

 

- Advertisement -

DUNA COMENTARIO

Please enter your comment!
Please enter your name here