Home Hudicial Cinco persona sospecha di ta forma parti di organizacion criminal di droga

Cinco persona sospecha di ta forma parti di organizacion criminal di droga

186
0
SHARE
- Advertisement -

Awe nan ta dilanti Hues

ORANJESTAD (AAN) – Awe mainta tin un caso penal interesante cu ta wordo trata den sala di Corte di Husticia di Aruba. Ta trata aki di 5 persona, kendenan ta wordo sospecha di ta forma parti di un organizacion criminal di droga. Tambe un di e personanan ta wordo sospecha di traficacion di hende. 

ORGANIZACION CRIMINAL

E sospechosonan A.T.S.S., P.J.H.H., C.A.G.R., D.F., R.F.S. y A.N.B., awe mainta mester presenta dilanti Hues di Corte den Promer Instancia, pa e caso penal cu Ministerio Publico a cuminsa contra nan.

E acusacionnan cu Fiscal tin contra e grupo aki ta cu entre April 2019 y 19 Mei 2019, nan tabatin cocaina cu nan. Tambe nan ta wordo acusa di a viola e ley di droga door di a haci preparacionnan pa traficacion di cocaina. Mas ainda, Fiscal ta acusa e grupo aki di ta forma parti di un organizacion criminal di droga.

E sospechoso R.F.S. tambe ta wordo acusa di traficacion di personanan riba 19 Mei 2019.

Ta acusacionnan serio y lo ta interesante pa scucha kico Fiscal ta pensa di e caso y ki castigo e ta exigi. Hopi biaha den casonan di droga, ta tene cuenta cu e cantidad di droga cu a keda confisca.

Sinembargo den e caso aki ta papia di un periodo y di organizacion criminal. Esey ta haci cu e caso ta bira mas serio ainda.

Pa loke ta e caso di traficacion di personanan, Fiscal ta baha pisa riba e culpable pasobra nan ta mustra cu a pone bida di hendenan na peliger y e traficacion di hende ta trece cun’e cu Aruba ta haya personanan cu por ta criminal y cu ta pone e seguridad di hopi den comunidad na peliger.

- Advertisement -

DUNA COMENTARIO

Please enter your comment!
Please enter your name here