Home General Citgo un acuerdo den desesperacion y un salto den abismo 

Citgo un acuerdo den desesperacion y un salto den abismo 

201
0
SHARE
- Advertisement -

Resumen

E encargo mas grandi hereda den historia di Aruba 

  • Citgo tabata pio cu e vangrail di Green Corridor pa economia
  • Sumanan grandi di pueblo a sirbi pa destrui futuro di Aruba  

E tarea mas dificil cu un gobierno a yega di hereda den historia di Aruba, ta e acuerdo di Citgo.  Na final di un aña den cual mundialmente e nombernan di Citgo, PDVSA y Maduro a resona, Aruba ta biba cu e peso di buskeda di un salida pa un problema cu a wordo introduci como e gran solucion pa futuro.

Hamas den historia di Aruba un gobierno a yega di hinca e pais den un desaster economico manera tabata e caso cu e proyecto Citgo di gobierno anterior.

Por resumi cu Citgo tabata e encargo mas grandi hereda dor di un gobierno den historia di Aruba.  Aruba na e momentonan aki ta trata di deshaci di e bochorno gubernamental historico di Citgo, cu a kibra nos base democratico, cu a destrui nos economia y a stroba Aruba di atende su problema financiero debidamente prome cu gobierno anterior a seya e pacto di desaster pa Aruba.

Awe informacionnan internacional ta un condena pa gobernantenan di gobierno anterior, cu sin aprobacion di Parlamento a hinca Aruba den e aventura mas horibel den historia.

Awe ora scucha con Maduro y Guaidó ta ainda den un pelea pa haya placa di Citgo, nos mester corda con gobierno di Mike Eman a hinca Aruba den un incertidumbre total riba e rumbo mas destructivo cu e pais a yega di conoce.

Loke a pasa cu Citgo ta hustamente loke a wordo adverti pa tur instancia cu a pone bienestar di Aruba nan dilanti y a opone e forma cu a pasa e proyecto manera chubato den Parlamento.

Citgo tabata un acuerdo di desesperacion di gobierno Mike Eman cu no tabata tin ningun salida na 2014 cu no tabata creacion di un fondo fantasma pa bay cubri tur debe cu a hinca Aruba aden.

Na 2014 gobierno Mike Eman a wordo obliga di admiti e realidad financiero cu el a crea pa Aruba. Ta den e desesperacion cu un maneho di abuso di pueblo a crea for di 2013, gobierno Eman a pusha Aruba den e abismo economico cu Citgo tabata y ta representa.

Gobierno Eman a haci gastonan enorme cu placa di pueblo pa a introduci un proyecto cu tabata morto prome cu a firma e acuerdo.

Mundo a hari y a haci bofon di Aruba ora gobierno Eman tabata splica pueblo cu ta Nicolas Maduro lo a pone e prome 300 Miyon di Citgo riba mesa. Mientrastanto gobierno Eman a haci gastonan enorme pa introduci Citgo manera creacion di e base pa e compania establece su mes, ta demostra.

Pero no ta solamente e uzo di fondonan di pueblo tabata e problema. Pio tabata e forma cu a mara Aruba cu awe ainda ta lucha pa su liberacion di Citgo, cu a bira destructor di economia di Aruba.

Den un tempo cu Aruba mester a confronta un situacion financiero dificil na 2015, Citgo a hinca Aruba den un incertidumbre, manera tur rapport oficial ta indica. Stabilidad economico di Aruba a wordo kibra cu un proyecto cu tabata destina pa fracasa.

Awe ainda Aruba  mester negocia su salida di Citgo pa e por habri caminda pa futuro. Aruba mester kibra e contracto cu Citgo den un situacion di guera civil na Venezuela, cu gobierno Mike Eman mester a reconoce na 2014.

Kico 2020 lo trece? Cual compania ta bin reemplasa Citgo riba mercado comercial local? Kico investigacion di placa di Citgo cu a wordo manda Aruba lo trece dilanti?

E ta dificil pa bisa. Un cos ta sigur, cu Citgo tabata e herencia politico mas desastroso den historia di Aruba!

 

- Advertisement -

DUNA COMENTARIO

Please enter your comment!
Please enter your name here